पुणे : महाबळेश्वर मध्ये एक धक्कादायक घटना समोर आलीय. संतापाच्या भरात एका व्यक्तीनं आपल्या पत्नीची आपल्या ११ वर्षांच्या मुलासमोरच हत्या केली.आपल्या हातून घडलेल्या कृत्याची जाणीव झाल्यानंतर या इसमानं स्वत:ही आत्महत्येचा मार्ग स्वीकारला. मृत इसमाचं नाव अनिल सुभाष शिंदे (३४ वर्ष) आहे.
अनिल पत्नी सीमा (३० वर्ष) आणि ११ वर्षांच्या मुलासोबत बुधवारी महाबळेश्वरमध्ये पर्यटनासाठी दाखल झाले होते. परंतु, काल रात्री क्षुल्लक कारणावरून पती-पत्नीमध्ये वाद झाला.हा वाद इतका विकोपाला गेला की अनिलला आपला राग आवरणं कठिण झालं. आणि रागाच्या भरातच अनिलनं ११ वर्षांच्या मुलासमोरच आपल्या पत्नीच्या गळ्यावर तीक्ष्ण हत्यारानं वार केले. या घटनेत सीमा यांचा जागीच मृत्यू झाला.
त्यानंतर अनिल यांनी स्वत:वरदेखील वार करून आत्महत्या करत आपलं जीवन संपवलं. आपल्या उघड्या डोळ्यांसमोर घडलेल्या या घटनेनं त्यांच्या मुलाला मात्र धक्का बसलाय. शिंदे कुटुंब हे पुणे जिह्यातील धानोरीच्या विश्रांतवाडीचे रहिवासी आहेत.
अधिक वाचा : सेवा निवृत्त जवानाचा शिर्डीत गोळीबार
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
