Sensex Opening Bell : शेअर बाजाराने आज सकाळपासून चांगली सुरुवात करत सेन्सेक्स 150 अंकांनी वर गेला आहे. तर निफ्टी देखील 18300 च्या जवळपास पोहोचला आहे. बाजाराच्या सुरुवातीलाच नाईका, वेदांता, सिमेंस या कंपन्या फोकसमध्ये आहेत. तर हिंदालको इंडस्ट्रीज, सिप्ला, डॉ. रेड्डीज लॅब्स, ग्रासिम इंडस्ट्रीज आणि टाटा मोटर्स हे निफ्टीमध्ये यांनी मोठा नफा नोंदवल्याचे दिसत आहे. तसेच आज शेअर बाजाराची सुरुवात हिरव्या संकेताने झाली आहे.
Shares Market : शेअर बाजाराची या आठवड्याची सुरुवात नकारात्मक झाली होती. अस्थिरतेमुळे सेनेक्स तब्बल 450 अंकांनी खाली होता. त्यानंतर काल मंगळवारी देखिल बाजाराची सुरुवात थोड्या अंकांच्या घसरणीने झाली होती. मात्र नंतर सेनेक्स आणि निफ्टी दोन्हींची घसरण थांबवून दोन्ही निर्देशांक वधारले होते. काल मंगळवारी सेनेक्स 274 अंकांच्या वाढीसह 61,419 वर बंद झाला. तर निफ्टी 84 अंकांनी वाढून 18,244 वर बंद झाला.
त्यानंतर आज बुधवारी सकाळपासून शेअर बाजाराने चांगली सुरुवात करत 150 अंकांनी सेनेक्स वर आला आहे. त्यानंतर काही वेळातच सेनेक्सने 200 अंकांवर झेप घेतली. तर निफ्टी 50 अंकांनी वधारला आहे.
