घोडेगाव(विकास दामोदर): तेल्हारा तालुक्यात घोडेगाव जवळपास 3600 लोकसंख्या असलेले मिश्र लोकसंख्या असलेले गाव असून येथे सर्व जातीधर्माचे लोक गुण्या गोविंद्याने राहतात सर्व लोक एकमेकांच्या सुखदुःखात हिरारीने सहभाग घेतात, याच गावात काल पार पडलेल्या तंटामुक्ती अध्यक्षपदी मोहिनोद्दीन खान उर्फ मोईन खान यांनी विजयाची हॅट्रिक मारली.
सविस्तर वृत्त असे घोडेगाव ग्रामपंचायत येथे दि.1 सप्टेंबर रोजी ऑनलाईन सभेचे आयोजन तंटामुक्ती अध्यक्ष निवडीसाठी साठी आयोजन करण्यात आले होते परंतु ऑनलाईन निवड पद्धतीला फरसा प्रतिसाद न मिळाल्याने सभा तहकुब करून दि.8 सप्टेंबर रोजी गुप्त मतदान पद्धतीने घेण्याचे ठरले. सदर निवडणुकीसाठी एकूण इच्छुक 8 उमेदवारांनी अर्ज भरले होते शेवटी नासिर मामू यांच्या पॅनलचे इस्राईल खान करिमोद्दीन खान यांनी तर प्रा. प्रदिप ढोले यांच्या पॅनल चे मोईनोद्दीन खान उर्फ मोईन खान यांनी अर्ज भरला यात गुप्त मतदान पद्धतीने पद्धतीने जवळपास 320 लोकांनी मतदानात सहभाग नोंदवला यापैकी मोईनखान यांना 210 मते तर प्रतिस्पर्धी इस्राईलखान यांना 105 मते मिळाली तर 5 मते खारीज झाली निकालानंतर कोणत्याही पद्धतीचा वाजगाजा न करता शासनाच्या कोरोना नियमाचे पालन करत आनंदोत्सव शांततेत साजरा करण्यात आला निवडणूक निकाला नंतर चहा पेक्षा किटली गरम लोकांचे चेहरे पाहण्यालायक होते.
सदर निवडूक प्रक्रियेत निवडणूक अधिकारी म्हणून तेल्हारा पंचायत समितीचे विस्तार अधिकारी पि. डब्ल्यू. उईके साहेब तथा ग्राम विकास अधिकारी प्रदिप रामदास बंड यांनी काम पाहिलं तर सरपंच सौ. अर्चना किशोर बुंदे, उपसरपंच नासिरमामू, मिलिंद दांडगे, इम्रान बेग, अंगणवाडी सेविका सौ. अरुणा दामोदर, कु. सुनीता दांडगे तथा पत्रकार विकास दामोदर सोपान ढोले, राहुल इंगळे उशाक खान, सुभाष कवळे गजानन गोठकडे तथा पोलीस कर्मचारी सतीश भटकर यांचे सहकार्य लाभले.
निवडून आलेले मोईन खान यांनी आपल्या यशाचे श्रेय राष्ट्रवादी काँग्रेस तेल्हारा तालुका अध्यक्ष प्रा. प्रदिप ढोले, मोहिप चाचा, दादा पाटील ढोले, प्रा. विकास दामोदर राजू ढोले, राजू भाकरे, तौसिफ़ खान यांना दिले