उत्तरप्रदेश : दिवसभर मजुरी करून रात्री सर्वजण आपल्या घरात झोपले होते. तेवढ्यात ५ वर्षांच्या चिमुकलीचा विव्हळण्याचा आवाज आला. मुलीचा आवाज ऐकून सर्वजण जागे झाले. धावत-धावत खोलीपर्यंत गेले तर, आरोपीने त्या चिमुकलीवर बलात्कार करून धूम ठोकली. प्रचंड रक्तस्राव झालेल्या मुलीचं विव्हळणं पाहून घरातील व्यक्तींनी पहिल्यांदा जिल्हा रुग्णालयाकडे धाव घेतली. तूर्तास आरोपीला पोलिसांंनी ताब्यात घेतले आहे.
ही अमानूष घटना उत्तर प्रदेशमधील मैनपुरी जिल्ह्यातील बेवर क्षेत्रात घडली आहे. या गावात एक मजूर आपल्या कुटुंबासहीत मजुरी करून उदरनिर्वाह करत होता. आरोपीदेखील या कुटुंबाबरोबर मजुरी करण्याच काम करत होता. आरोपीचं नाव आहे नन्हे बाबू, हा अगदी विश्वासाने पीडित मुलीच्या घरात राहत होता. ती मुलगी काका आरोपीला काका म्हणून हाक मारायची. घरातील लोकांचाही त्या तरूणांवर विश्वास होता.
५ फेब्रुवारीच्या रात्री आरोपी नन्हे घरी थांबलेला होता. रात्री सर्वांचे जेवण झाल्यानंतर झोपी गेले. ११.३० च्या वाजण्याचा सुमारास आरोपीच्या खोलीमधून मुलीच्या विव्हळण्याचा आवाज ऐकू येऊ लागला. या आवाजाने पीडितेचे वडील जागे झाले आणि खोलीमध्ये जाऊन पाहिले तर, रक्तस्त्राव झालेल्या अवस्थेत मुलगी जमिनीवर पडलेली दिसली. वडिलांना पाहून आरोपीने पळ काढला. मुलीचं जीवघेणं विव्हळणं पाहून मुलीला जिल्हा रुग्णालयात नेले. परंतु, जिल्हा रुग्णालयाने मुलीची गंभीर अवस्था पाहून मेडिकल काॅलेज सफईकडे नेण्यासाठी सांगितले. घटनेनंतर पोलिसांनी रात्री उशीरा आरोपीच्या विरोधात तक्रार दाखल केली. घटनास्थळावरून मिळालेल्या माहितीच्या जोरावर पोलिसांनी रविवारी आरोपीला ताब्यात घेतलं आहे, अशी माहिती पोलिसांनी दिली आहे.
