तेल्हारा (प्रतिनिधी)- जिद्द व चिकाटी अंगाशी धरून तेल्हारा येथील युवकांनी परिश्रम घेऊन फुटबॉल चे मैदान तयार केले. काल दि २५ डिसेंबर रोजी उदघाटन करण्यात आले. तेल्हारा तालुका क्रीडा संकुल हे मोठ्या प्रमाणात काटेरी झुडपे आणि गवताने भरलेले असतांना शहरातील युवकांनी खेळाप्रति चिकाटी ठेवत संपूर्ण मैदान अथक परिश्रम घेऊन साफ केले. तालुका क्रीडा संकुलावर सैनिक भरती,पोलीस भरती तसेच विविध खेळात प्राविण्य मिळावे यासाठी शेकडो युवक तालुका क्रीडा संकुलाच्या मैदानावर रोज मेहनत घेत असतात.
युवकांच्या मेहणतीतून क्रीडा संकुलावर हॉली बॉल मैदान, कबड्डी मैदान, धावण्याचे मैदान तयार केले. मात्र फुटबॉल मैदान नसल्याने माजी सैनिक राम घंगाड, माजी सैनिक राम पाऊलझगडे यांच्या संकल्पनेतून लोकजागरचे अनिल गावंडे,अनिल तायडे यांच्या मदतीने युवकांनी फुटबॉल चे मैदान तयार केले दि २५ डिसेंबर रोजी सदर ग्राऊंडचे उदघाटन अनिल तायडे यांच्या हस्ते करण्यात आले. यावेळी नगरसेवक सुनील राठोड, दिलीप पिवाल, गजानन गायकवाड, पत्रकार निलेश जवकार, देवरावजी दामोदर यांच्या प्रमुख उपस्थिती उदघाटन करण्यात आले. यावेळी ब्लु फायर क्लब चे मिलिंद हिवराळे, मिलिंद मंडळाचे प्रशांत तायडे, सचिन खिराडे, किशोर सरदार, संघर्ष बोदडे, विकी राजपूत व युवक उपस्थित होते. यावेळी आभार प्रदर्शन किशोर सरदार यांनी केले.