तेल्हारा (प्रतिनिधी)- महाराष्ट्र राज्यातील सर्व ग्रामसेवक संवर्ग चे दिनांक ९ ओगष्ट २०१९ पासुन असहकार आंदोलन व दिनांक २२ आॅगष्ट २०१९ पासुन काम बंद आंदोलन सुरु आहे. राज्य शासनासोबत आंदोलनातील मागण्याबाबत चर्चा सुरु असताना अकोला जिल्हा परिषद चे मुख्य कार्यकारी अधिकारी साहेब यांनी त्यांचे अधिकाराचा गैरवापर करुन आंदोलन काळात ग्रामसेवक संवर्ग वर दबाव आणण्यासाठी त्यांना,
१)कार्यमुक्त करणे
२)इतर विभागातील कर्मचारी यांना पदभार देणे व त्यावेळी अभिलेखे तपासणे, अनियमितता आढळल्यास फौजदारी गुन्है दाखल करणे
३) ग्रामपंचायत ची खाते तपासणी करणे, अशा स्वरुपात लेखी आदेश दिले आहेत.
गाव पातळीवर सर्व योजना वेळेत पुर्ण करणारे ग्रामसेवक संवर्गचे महत्व सर्व स्तरावर अधोरेखित आहे. तरी अशा प्रकारची दडपशाही व अधिकाराचा गैरवापर करणे अतिशय अन्यायकारक आहे.
या सर्व गोष्टींचा महाराष्ट्र राज्य ग्रामसेवक संघाचे वतीने तीव्र निषेध व्यक्त करत सदर आदेशाची पंचायत समिती तेल्हारा समोर होळी करण्यात आली. त्यावेळी तेल्हारा ग्रामसेवक संघटनेचे अध्यक्ष श्री. इंगळे, सचिव श्री.खुमकर तसेच संघटनेचे सर्व पदाधिकारी श्री. उंबरकार, श्री.कोळसकर, श्री.खंडेराव, श्री. चीमोटे, श्री.देशमुख, श्री.मेतकर, श्री.चव्हाण, श्री. शळके, श्री. थिटे, कु.देशमुख, कू.करवते, कू. फाळके, श्री.ठाकूर, श्री.पाकधूने, श्री.वाडेकर, श्री.वानखेडे, श्री. टीकार, श्री.राऊत, श्री. माहुलकर व इतर उपस्थित होते.