अकोला (प्रतिनिधी)- राष्ट्रीय महामार्गासाठी आजूबाजूच्या शेतकऱ्यांकडून संपादित करण्यात आलेल्या जमिनीला योग्य व कायदेशीर मोबदला मिळावा या मागणी करीता दि.५ आँगष्ट रोजी अप्पर जिल्हाधिकारी यांच्या दालनात विष प्राशन करून सामूहिक आत्महत्या करण्याचा प्रयत्न करणाऱ्या सहा शेतकऱ्यांना सर्वोपचार रुग्णालयात भरती करण्यात आले होते. त्या पैकीच मरणाच्या दारात उभा असणारया कान्हेरी गवळी येथील शेतकरी आशीष हिवरकरला सर्वोपचार रूग्णालयात दाखल करण्यात आले त्याच दिवशी सायंकाळी त्याचे वडील मदन हिवरकर आपल्या एकुलत्या एक मुलाला [आशिषला] पाहण्यासाठी रूग्णालयात आले. मुलाला या अवस्थेत पाहुन त्यांच्या पायाखालची जमिनच सरकली व ते बेशुद्ध पडले. त्यांना ही याच रूग्णालयात दाखल करण्यात आले आजार ही असा की चार पाच तास बेशुद्ध राहुन शुध्दीवर आले की शरीरावरचा ताबा सुटत असे त्यामुळे हात पाय बांधुन त्यांच्यावर उपचार करावे लागले.
सर्वोपचार मध्ये अद्यावत सुविधा नसल्यामुळे त्यांना खाजगी रूग्णालयात हलवावे लागले. तेथे तपासनि केल्या नंतर ब्रेन हाँम्रेज झाल्याचे समजले. घरात दोघेचं बाप-लेकं कर्ते असल्यामुळे एकमेकांची काळजी करणारे दोघेचं त्यामुळे मुलगा आशीषला विषबाधेचा उपचार अर्धावरच सोडुन वडीलांच्या देखभालीसाठी दुसऱ्या हाँस्पीटलला जावे लागले. त्यामुळे या दोघा बापलेकाचा जिव धोक्यात आहे.आशिष अर्धवट उपचार घेऊन डिच्चार्ज न मिळाल्यामुळे वडीलांच्या उपचारासाठी निघुन गेला.
घरची परिस्थिती बेताची आहे. उपचारा करिता बराच पैसा लागणार आहे. त्यामुळे या दोघा बापलेकांवर फार मोठे संकट आले आहे. आपल्या हक्कासाठी लढणारा आशिष परिस्थितीने हतबल झाला आहे.
आशिष सोबत विष घेऊन आत्महत्येचा प्रयत्न करणाऱ्या इतर पाच शेतकऱ्यांनी अकोल्याचे जिल्हाधिकारी जितेंद्र पापळकर यांना कळकळीची विंनती केली आहे की, निदान आशिष हिवकर या शेतकऱ्याला तरी त्याचा हक्काचा मोबदला लवकर देऊन यांना या संकटात मदत करा. आम्हाला लागला तर उशिराने आदेश करा पण आशिष आणी त्याच्या वडीलांना या संकट समयी त्यांच्या हक्काचा मोबदला द्या.
अधिक वाचा : जिल्ह्यात भारत राखीव बटालियनचा मार्ग मोकळा 200 कोटींचा प्रकल्प ; 460 पदांची होणार भरती
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
