अकोला : जनतेने मोदी सरकारला अपेक्षेहून अधिक जागा दिल्याने आमची जबाबदारी वाढली आहे. त्यादृष्टीने कामाला सुरुवात केली असून देशातील एक लाख खेडे ‘डिजिटल’ करणार आहे. गरज असेल तिथे केंद्रीय विद्यालय आणण्याचा प्रयत्न करू. बऱ्याच वर्षांपासून प्रलंबित असलेला विद्यापीठ उपकेंद्राचा प्रश्न मार्गी लावू, असे आश्वासन मानव संसाधन, दूरसंचार व माहिती तंत्रज्ञान राज्यमंत्री संजय धोत्रे यांनी दिले आहे.
मंत्रिपदाची शपथ घेतल्यानंतर बुधवारी धोत्रे यांचे पहिल्यांदा अकोल्यात आगमन झाले. दुष्काळी परिस्थितीमुळे रॅली रद्द करून त्यांनी कार्यकर्त्यांसह जनसामान्यांच्या विश्रामगृहावर शुभेच्छा स्वीकारल्या. पत्रकारांशी संवाद साधताना धोत्रे म्हणाले, मागील पाच वर्षांत केंद्र सरकारने सर्वसामान्यांसाठी लाभदायी योजना आणून दिलासा दिला आहे. याचा मलाही फायदाच झाला. शिवाय राज्य सरकारसुद्धा सर्वत्र कामे करीत आहे. विरोधक फक्त आमच्यावर टीकाच करीत राहिले म्हणून त्यांना पराभव पत्करावा लागला. आम्ही कृतीतून विकास करून दाखविला. विकास ही एक एक प्रक्रिया असल्यामुळे एका दिवसात प्रगती दिसत नाही. मात्र येत्या काही दिवसांत सर्वत्र चेहरा मोहरा बदललेला असेल, असा विश्वासही त्यांनी व्यक्त केला.
पत्रकार परिषदेला आमदार प्रकाश भारसाकळे, गोवर्धन शर्मा, संजय कुटे, रणधीर सावरकर, महापौर विजय अग्रवाल, भाजपचे जिल्हाध्यक्ष तेजराव पाटील, किशोर मांगटे पाटील उपस्थित होते.
मतीनच्या कुटुंबीयांना दहा लाखांची मदत
अकोट तालुक्यातील मोहोळ येथील भाजप कार्यकर्ते मतीन पटेल यांचा खून झाला. त्यामुळे धोत्रे यांनी त्यांच्या कुटुंबीयांना मुख्यमंत्री सहाय्यता निधीतून पाच लाख रुपये आणि अकोला लोकसभा मतदारसंघातील सर्व आमदारांचे मिळून पाच लाख रुपये अशी एकूण दहा लाख रुपयांची रक्कम मदत म्हणून मतीन पटेल यांच्या कुटुंबीयांच्या सुपूर्द केली.
अधिक वाचा : अकोल्याचे संजय धोत्रे यांना मनुष्यबळ विकास खात्याचे राज्यमंत्रीपद
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola