अकोला- इस्कॉनच्या वतीने शहरात श्रीकृष्ण जन्मोत्सव सप्ताह उत्साहात साजरा करण्यात आला. दि १७ ते २३ आॅगस्ट पर्यंत चाललेल्या भक्ती सप्ताहामधे श्रीकृष्ण जन्मासह नामस्मरण, हरिकिर्तन, भक्ती मेळावा, नंद महोत्सव, गोपी पोषाख स्पर्धा, शंख अभिषेक, भक्तीपर सांस्कृतिक कार्यक्रम, छप्पन भोग आदिंची रेलचेल होती. यावेळी विविध कार्यक्रमांमधे अबालवृद्ध भाविकांनी सहभाग घेत भक्तीमय वंदना दिली.
ज्यामधे देवयानी बंड, संमृद्धी तिवारी, स्वाती निखाडे, दुर्गा निखाडे, सिया निखाडे, सोमनिशा शर्मा, आयेही गायकवाड, सुरेखा फाटकर, मिना लाडे, गरिमा चव्हाण, प्रियल चव्हाण, मंजिरी धोत्रे, सृष्टी, संमृद्धी ढोरे, लोचन शर्मा, स्नेहा गुप्ता, अनघा शाह, प्रिती छांगाणी, सुरेखा फाटे यांनी उत्स्फुर्तपणे सहभाग घेऊन भक्तीमय वातावरण निर्मीती केली. मथुरा वृंदावन येथुन आलेल्या श्रीश कृष्णप्रभू यांनी भगवान श्रीकृष्णांच्या जीवनलिलांचे आपल्या अमृततुल्य वाणीमधुन प्रवचनाव्दारे महात्म्य विषद करुन भाविकांना मंत्रमुग्ध केले. उपस्थित हजारो भाविकांनी भगवान श्रीकृष्णांच्या श्रृंगार रुपाचे मनोभावे दर्शन घेऊन आनंद व्यक्त केला.या नंद महोत्सव सप्ताहाची सांगता महाप्रसादाने करण्यात आली.
