पंतप्रधान नरेंद्र मोदी हे आज युक्रेनचे राष्‍ट्राध्‍यक्ष झेलेंस्‍की (Modi and zelenskyy ) यांच्‍याबरोबर फोनवर चर्चा करणार आहेत. २४ फेब्रुवारी रोजी रशियाने युक्रेनवर हल्‍ला केला होता. यानंतर २६ फेब्रुवारी रोजी पंतप्रधान मोदी यांनी झेलेंस्‍की यांच्‍याबरोबर फोनवरुन चर्चा केली होती. यावेळी त्‍यांनी भारताने युक्रेनला समर्थन द्‍यावे, अशी मागणी केली होती.
रशियाने केली हाेती तात्‍पुरती युद्धविरामाची घोषणा
युक्रेनमधील भारतीय विद्यार्थ्यांना परत आणण्‍यासघठी केंद्र सरकार ऑपरेशन गंगा राबवत आहे. युक्रेनमध्‍ये अडकलेले भारतीय नागरिक आणि विद्यार्थ्यांना सुरक्षित परत आणण्‍यासाठी भारताने युक्रेनशी संपर्क केल आहे. परराष्‍ट्र व्‍यवहार मंत्रालयाने युद्धविराम करावा, असे आवाहन केले होते. रशियाने ही तात्‍पुरती युद्धविरामची घोषणाही केली होती.
रशिया – युक्रेन युद्ध सुरु झालं. भारताने युक्रेनमधील नागरिकांच्‍या सुरक्षेविषयी चिंता व्‍यक्‍त केली. मात्र युनोमधील मतदानवेळी भारताने अलिप्‍त भूमिका बजावली. युक्रेनचे राष्‍ट्राध्‍यक्ष झेलेंस्‍की यांनी भारताकडे राजकीय समर्थन मागितले. तसेच पंतप्रधान मोदी यांनी शांतता प्रस्‍थापित होण्‍यासाठी योगदान देण्‍याचेही आवाहन केले होते. पंतप्रधान मोदी यांनी तत्‍काळ युद्ध समाप्‍त व्‍हावे, असे आवाहन केले होते.
रशिया – युक्रेन युद्ध सुरु झाल्‍यानंतर पंतप्रधान मोदी यांनी वरिष्‍ठ अधिकार्‍यांबरोबर अनेक बैठका केल्‍या आहेत.
Modi and zelenskyy : दोन शहरात अडकेले भारतीय विद्यार्थी
मागील आठवड्यात ऑपरेशन गंगाच्‍या माध्‍यमातून १० हजारहून अधिक विद्यार्थ्यांना मायदेशी परत आणले आहे. खार्किव्‍ह आणि सूमी या दोन शहरात अडकलेल्‍या भारतीय नागरिक आणि विद्यार्थी वगळता जवळपास सर्व भारतीयांना युक्रेनमधून परत आणण्‍यात आले आहे.
रशिया – युक्रेन युद्धाचा आज १२ वा दिवस आहे. रशियाने युक्रेनमधील अनेक शहरातील हल्‍ले आणखी तीव्र केले आहेत. खार्किव्‍हमध्‍ये नागरी वस्‍तींवर हल्‍ले होत आहेत. आज रशिया आणि युक्रेनच्‍या प्रतिनिधींची चर्चेची तिसरी फेरी होणार आहे. आज होणार्‍या चर्चेत युद्ध विरामावर चर्चा होईल, अशी शक्‍यता व्‍यक्‍त होत आहे.
युक्रेनमध्‍ये आतापर्यंत ३८ मुलांचा मृत्‍यू
युद्धात आतापर्यत ३८ मुलांचा मृत्‍यू झाला आहे, असा दावा युकेनमधील मानवाधिकार आयोगाने केला आहे. ७१ मुले गंभीर जखमी असून त्‍यांची मृत्‍यूशी झूंज सुरु आहे, असेही त्‍या म्‍हणाल्‍या.
कीव्‍हमध्‍ये जखमी झालेल्‍या भारतीय विद्यार्थी परतणार
मागील काही दिवसांपूर्वी युक्रेनची राजधानी कीव्‍हमध्‍ये जवानांच्‍या गोळीबारात जखमी झालेला भारतीय विद्यार्थी हरजोत सिंह लवकर भारतात परतणार आहे. जखमी झाल्‍यानंतर त्‍याचा पासपोर्टही हरवला होता. आता तो मंगळवार ८ मार्च रोजी भारतात परतणार आहे, अशी माहिती केंद्रीय मंत्री व्‍ही. के. सिंग यांनी दिली.
