बाळापूर (श्याम बहुरूपे)- दि.१० श्रीमती धानाबाई विद्यालय तथा कनिष्ठ महाविद्यालय बाळापूर येथील उपप्राचार्य तथा महाराष्ट्र राज्य क्रीडा शारीरिक शिक्षण शिक्षक महासंघाचे राज्य संघटक अशोक रामचंद्र मंडले यांची मानव संसाधन मंत्रालय अंतर्गत येणाऱ्या केंद्रीय विद्यालय संघठनच्या शैक्षणिक सल्लागार समितीवर निवड करण्यात आली आहे.
केंद्रीय विद्यालय संघठनच्या उपाध्यक्षाच्या अध्यक्षतेखाली ही समिती गठीत केली असून महाराष्ट्रतुन या समितीवर अशोक मंडले व शिवाजी शारीरिक महाविद्यालय अमरावतीचे माजी प्राचार्य प्रो.रवींद्र कडू यांची निवड करण्यात आली आहे. समितीवर देशातील गणमान्य व्यक्तींचा समावेश करण्यात आला आहे. महाराष्ट्र राज्य क्रीडा शारीरिक शिक्षण महासंघाचे विभागीय अध्यक्षपदावर अशोक मंडले यांनी कार्य केले आहे. या समितीची सभा १८ सप्टेंबर रोजी होणार असल्याचे अतिरिक्त आयुक्त यु.एन. खावरे यांनी कष्ट केले आहे. अशोक मंडले यांनी आपल्या निवडीचे श्रेय माजी केंद्रीय मंत्री हंसराज भैय्या अहिर व केंद्रीय राज्यमंत्री खासदार खासदार संजय धोत्रे यांना दिले आहे. अशोक मंडले यांच्या निवडीबद्दल सर्वत्र कौतुक होत आहे.
