स्तृत्य उपक्रम: गोकुलसा आंबेकर ट्रस्टकडून मुलांना शाळाउपयोगी साहित्याचे वाटप

अडगांव बु. (दिपक रेळे)- जिल्हा परिषद वरिष्ठ प्राथ. मराठी मुलांची शाळा अडगाव बु. येथील गरजू मुलांना आंबेकर मेमोरियल ट्रस्टच्या वतीने मदन आंबेकर यांच्याकडून शाळा उपयोगी साहित्य नोटबुक, पेन, पेन्सिलचे वाटप करण्यात आले. याप्रसंगी झालेल्या कार्यक्रमाच्या अध्यक्षस्थानी शाळा व्यवस्थापन समिती अध्यक्ष मंगलसिंग डाबेराव होते तर प्रमुख अतिथी म्हणून डॉ.मनमोहन व्यास, उपाध्यक्ष शेख जमीर, शिक्षण तज्ज्ञ अशोक घाटे यांच्यासह अडगाव केंद्राचे केंद्रप्रमुख किशोर कोल्हे उपस्थित होते. मन भर चर्चेपेक्षा कणभर कृती श्रेष्ठ या उक्तीप्रमाणे मदन सा आंबेकर यांनी शालेय विद्यार्थाना शाळा उपयोगी साहित्य दिले. त्याबद्द्ल शाळेच्या वतीने त्यांचे आभार व्यक्त करण्यात आले. कार्यक्रमाला मुख्याध्यापक सोहन दामधर यांच्यासह ज्योतीकेदार, नंदकिशोर अढाऊ, प्रशांत साखर पोहे, खोडके मॅडम, सुभाष ढोकणे, लता ढेपे, ज्योती लटकुटे, जया उकर्डे इत्यादी शिक्षक वृंद उपस्थित होते. कार्यक्रमाचे बहारदार संचलन नंदकिशोर अढाऊ यांनी केले. याप्रसंगी डॉ.मनमोहन व्यास, अशोक घाटे, किशोर कोल्हे , मदन आंबेकर यांनी आपले मनोगत व्यक्त केले.