अकोट (प्रतिनिधी) – अकोट तालुक्यातील पोपटखेड धरणात 1 महिन्यापूर्वी विवाह झालेल्या पती-पत्नीचा मृतदेह आढळून आल्याची घटना आज सकाळी उघडकीस आली. घटनेची माहिती मिळताच ग्रामीण पोलिस स्टेशनचे पोलीस निरीक्षक ज्ञानोबा फड व त्यांच्या सहकाऱ्यांनी धाव घेतली.
सातपुड्याच्या पायथ्याशी असलेल्या पोपटखेड येथील धरणात अकोट येथील पटेल चौकात एका इमारतीमध्ये राहणारे शारीक अली साजिद अली (वय 35) व त्याची पत्नी अनिका शायन शारीक अली (वय 23) हे दोघेजण 3 मार्चच्या दुपारी बाहेर जातो असे सांगून विना नंबरच्या नवीन मोटारसायकलने गाडीने गेले होते. रात्री उशिरापर्यंत घरी परत आले नाही. त्यांचे मोबाईल सुद्धा बंद येत असल्याने नातेवाईकांकडे व इतर ठिकाणी त्यांचा शोध घेण्यात आला. यावेळी त्यांची मोटरसायकल धरणाच्या बाजूला आढळून आल्याने शंका निर्माण झाली. याबाबत तात्काळ पोलिसांच्या मदतीने 3 मार्च रोजी रात्री अनिका शायान हिचा मृतदेह पाण्याबाहेर काढण्यात आला. तर तिचा पती शारीक अली याचा मृतदेह 4 मार्च रोजी सकाळी काढण्यात आला. पोपटखेड येथील युवकांनी रात्रभर मृतदेहाचा शोध घेतला. घटनास्थळावर पोलिसांनी महिलेची चप्पल, बूट, मोटरसायकल असे सामान आढळून आले.
दोघा पती-पत्नीचा बुडून मृत्यू झाल्याने नेमके मृत्यूचे कारण अद्याप स्पष्ट होऊ शकले नाही. आकोट ग्रामीण पोलीस निरीक्षक ज्ञानोबा फड यांच्या मार्गदर्शनाखाली उपनिरीक्षक रुपनार हे पुढील तपास करत आहेत.
अधिक वाचा : व्यावसायिकाने घेतली खदानीत उडी!
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
