अकोला,दि.6: आजादी का अमृत महोत्सव व जागतिक पर्यावरण दिनाचे औचित्य साधून अमरावती वनविभागात कार्यरत वन अधिकारी व वन कर्मचाऱ्यांचे पदोन्नती अभिनंदन सोहळा जिल्हा नियोजन भवन येथे पार पडला. या सोहळ्यात 13 वनक्षेत्रपाल व 35 वनपाल यांचे सत्कार करुन त्यांच्या कार्याचे कौतुक केले. यावेळी पदोन्नत झालेल्या वन अधिकार्यांच्या खांद्यावर स्टार लावून गौरवण्यात आले. त्यांच्या या निसर्ग संवर्धनाच्या कार्याला ऊर्जा देत राहील, अशी मनोगत व्यक्त केले.
पर्यावरण संरक्षण व संवर्धनाचे प्रत्यक्ष अंमलबजावर्णी प्रामुख्याने वन विभागाकडून करण्यात येते. वनजमिनीवर अतिक्रमण, अवैध चराई, वन वनवा, अवैध वृक्षतोड, वन्यजीव शिंकार इत्यादी कारणांमुळे जैवविविधता नष्ट होऊन पर्यावरणाचा समतोल बिघडत आहे. त्यामुळे आपत्याला वाढते तापमान, प्रदूषण, अतिवृष्टी, महामारी अशा अनेक समस्यांच्या समोर जावे लागत आहे. अशातच पर्यावरण संरक्षण व संवर्धन कार्यात वन अधिकारी व वन कर्मचाऱ्यांनी मौल्याचे कार्य केले आहे. परंतु त्यांनी केलेल्या कार्याची दखल अपेक्षित प्रमाणात घेण्यात येत नाही. याअनुषंगाने अमरावती वनवृत्तातील वरिष्ठ अधिकार्यांनी पदोन्नत झालेला 13 वनक्षेत्रपाल व 35 वनपाल यांच्या पदोन्नती अभिनंदन सोहळा आयोजन करुन त्यांच्या कार्याचे कौतुक करुन वन अधिकाऱ्यांच्या खांद्यावर स्टार लावून गौरवण्यात आले. या अभिनंदन सोहळ्यास मेलघाट व्याघ्र प्रकल्पाचे क्षेत्र संचालक तथा मुख्य वनसंरक्षक ज्योती बॅनर्जी, अमरावती प्रादेशिक विभागाचे वनसंरक्षक जी. के. अनारसे, सामाजिक वनकरण विभागाचे वनसंरक्षक डी. पी. निकम, अमरावती वनवृत्त प्रादेशिक, वन्यजीव व सामाजिक वनीकरण विभागातील सर्व उपवनसंरक्षक, विभागीय वन अधिकारी, सहाय्यक वनसंरक्षक, वनक्षेत्रपाल उपस्थित होते.
अमरावतीचे उपवनसंरक्षक चंद्रसेकरन बाला यांनी जागतिक पर्यावरण दिवसानिमित्त उपस्थित अधिकारी कर्मचाऱ्यांना पर्यावरण संरक्षण व संवर्धनासाठी रोपवन व रोपवाटिका नियोजन व अंमलबजावणी याबाबत मार्गदर्शन केले. डी. पी. निकम यांनी उपस्थितांना जागतिक पर्यावरण दिनाच्या महत्त्व सांगून सौर मंडळाची सजीवसृष्टी असलेल्या वसुंधरा एकच असून तिचे रक्षण व भवितव्य सुरक्षित करण्याचे संदेश दिला. जी. के. अनारसे यांनी वन व वन्यजीव कायद्यांबाबत कायदेशीर बाबींवर मार्गदर्शन केले. वन विभागातील नोकरी म्हणजे निसर्ग संरक्षणाच्या देवी कार्य असूनते आपण आनंदाने करण्याबाबत ज्योती बनर्जी यांनी आपल्या अध्यक्षीय भाषणातून सांगितले.
कार्यक्रमाचे सूत्रसंचालन बुलडाणाचे उपवनसंरक्षक अक्षय गजभिये यांनी तर आभार प्रदर्शन विभागीय वन अधिकारी विनोद डेहनकर यांनी केले. या कार्यक्रमाची संकल्पना व यशस्वी आयोजन उपवनसंरक्षक अर्जुना के. आर. यांचे मार्गदर्शनात अकोला वनविभागातील अधिकारी व कर्मचाऱ्यांनी परिश्रम घेतले.
