पातूर (सुनिल गाडगे) : येथील किड्स पॅराडाईज पब्लिक स्कूलच्या वतीने उपकार्यकारी अभियंता संतोष खुमकर यांचा सत्कार करण्यात आला.
पातूर येथे वीज वितरण कंपनी येथे उपकार्यकारी अभियंता म्हणून कार्यरत असलेले संतोष खुमकर यांची सबोर्डीनेड इंजिनियर असोशियशन च्या महाराष्ट्र राज्य उपाध्यक्ष पदी निवड झाली आहे. नुकत्याच पार पडलेल्या निवडणुकीत त्यांनी विजय मिळवत राज्याच्या उपाध्यक्ष पदाचा बहुमान मिळवला आहे. त्याचप्रमाणे संवेदनशील अधिकारी व समाजशील उपक्रम राबवून गरजूच्या मदतीला धावून येणारे उपकार्यकारी अभियंता संतोष खुमकर यांचा नुकताच एका कार्यक्रमात सत्कार करण्यात आला. यावेळी किड्स पॅराडाईज पब्लिक स्कूलचे संस्थापक अध्यक्ष गोपाल गाडगे, शाळेच्या कार्यकारी संचालिका सौ. ज्योत्स्ना गाडगे यांनी त्यांचा सत्कार करून त्यांना शुभेच्छा दिल्या. याप्रसंगी प्रा. मनोज राऊत प्रामुख्याने उपस्थित होते.
