चंद्रपूर : चंद्रपूर शहरालगतच्या दुर्गापूर येथे गॅस गळती झाल्याने एकाच कुटुंबातील ६ जणांचा मृत्यू झाला. गॅस गळती झाल्याची ही दुर्घटना मंगळवारी पहाटे घडली.
दूर्गापुर येथील कंत्राटदार रमेश लष्कर यांच्या कुटुंबातील सहा जणांवर काळाने घाला घातला. अजय लष्कर (२१), रमेश लष्कर (४५), लखन लष्कर (१०), कृष्णा लष्कर (८), पूजा लष्कर (१४), माधुरी लष्कर (२०) अशी मृतांची नावे आहेत. दहा दिवसांपूर्वी या कुटुंबात विवाह झाला होता. या घटनेमुळे दुर्गापुरात शोककळा पसरली आहे.
पहाटेच्या गॅसगळती झाली. लष्कर कुटुंबातील सातजण बेशुद्ध पडले. ही घटना उघडकीस आल्यानंतर सातही जणांना बेशुद्धावस्थेत रुग्णालयामध्ये दाखल करण्यात आलं. उपचारापूर्वीच सहा जणांचा मृत्यू झाला होता. एका सदस्यावर उपचार सुरु असून त्याची प्रकृती स्थिर असल्याचं समजतं.
