अकोला,दि.6- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 927 अहवाल प्राप्त झाले. त्यातील 812 अहवाल निगेटीव्ह तर 115 जणांचे अहवाल पॉझिटीव्ह आले. दरम्यान 410 जणांना डिस्चार्ज देण्यात आला, तर एकाचा उपचारा दरम्यान मृत्यू झाला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.5) रॅपिड ॲटीजेन टेस्ट मध्ये 36 जणांचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 56662(42533+13952+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर 115 + रॅपिड ॲन्टीजेन चाचणी 36= एकूण पॉझिटीव्ह- 151.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 277102 नमुने तपासण्यात आले. त्यात प्राथमिक तपासणीचे 274031 फेरतपासणीचे 390 तर वैद्यकीय कर्मचाऱ्यांचे 2681 नमुने होते. आजपर्यंत एकूण 276985 अहवाल प्राप्त झाले आहेत. एकूण निगेटीव्ह अहवालांची संख्या 234452 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
115 पॉझिटिव्ह
आज दिवसभरात 115 अहवाल पॉझिटीव्ह आले. त्यात 46 महिला व 69 पुरुषांचा समावेश आहे. त्यात तालुकानिहाय संख्या याप्रमाणे- मुर्तिजापुर-10, अकोट-43, बाळापूर-पाच, बार्शीटाकळी- दोन, पातूर-एक, तेल्हारा-आठ अकोला-46. (अकोला ग्रामीण-सहा, अकोला मनपा क्षेत्र-40), दरम्यान काल (दि.5) रात्री प्राप्त रॅपिड ॲन्टीजेन चाचण्यांच्या अहवालात 36 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची नोंद घ्यावी.
410 जणांना डिस्चार्ज
दरम्यान आज दुपारनंतर शासकीय वैद्यकीय महाविद्यालयातून नऊ, बबन हॉस्पीटल मुर्तिजापूर येथील एक, थोटे हॉस्पीटल येथील पाच, समर्पण हॉस्पीटल येथील तीन, आयकॉन हॉस्पीटल येथील दोन, ओझोन हॉस्पीटल येथील दोन, बिहाडे हॉस्पीटल येथील दोन, डॉ.के.एस. पाटील हॉस्पीटल येथील दोन, अर्थव हॉस्पीटल येथील एक, अवघाते हॉस्पीटल येथील एक, केअर हॉस्पीटल येथील दोन, तर होम आयसोलेशन मधील 380 असे एकूण 410 जणांना डिस्चार्ज,अशी माहिती जिल्हा रुग्णालयातून देण्यात आली.
एकाचा मृत्यू
आज दिवसभरात एकाचा मृत्यू झाला. हा रुग्ण जितापुर ता.अकोट येथील 55 वर्षीय पुरुष असून या रुग्णास दि. 26 मे रोजी दाखल केले होते, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.
2776 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 56662(42533+13952+177) आहे. त्यात 1102 मृत झाले आहेत. तर 52784 जणांना डिस्चार्ज देण्यात आला असून सद्यस्थितीत 2776 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.