अकोला(प्रतिनिधी)-संस्कृती संवर्धन समिती, अकोला वतीने दरवर्षी विराट मोटरसायकल रॅली काढण्यात येते. मागील वर्षी व या वर्षी सुद्धा कोरोनाचा प्रादुर्भाव वाढलेला असल्याने ही रॅली रद्द करून यावर्षी अकोला शहरातील 111 मंदिरांना धर्म ध्वज प्रदान करण्यात येणार आहे, असे आभासी पत्रकार परिषदेत संस्कृती संवर्धन समितीचे अध्यक्ष डॉ. आर. बी. हेडा यांनी सांगितले. या वर्षी शहरातील 111 मंदिरांना धर्मध्वज प्रदान करण्यासाठी मान्यवरांचे विविध गट तयार केले असून ते हिंदू नववर्षाच्या मुहूर्तावर शहरातील सर्व प्रमुख मंदिरांना दिले जाणार आहे. तसेच गत एक वर्षांत कोरोना महामारीच्या काळात स्थानिक पोलिसांनी सक्षमपणे, संयमाने व मानवीय दृष्टिकोन ठेवून शहरात जे लक्षणीय कार्य केले आहे, याची कृतज्ञता म्हणून व आभार व्यक्त करण्या करीता संस्कृती संवर्धन समितीचे सदस्य प्रातिनिधीक स्वरूपात शहरातील प्रत्येक पोलीस ठाणेदारांना भेटणार आहे व धन्यवाद मानणार आहे तसेच भारतमातेची प्रतिमा भेट वस्तू म्हणून प्रदान करणार आहे.
तसेच शहरातील काही प्रमुख मंदिरां समोर व प्रमुख चौकात भव्य रांगोळी काढण्यात येणार आहे. सध्या कोरोना काळात रक्ताची खूप गरज भासत आहे, अकोल्यातील नागरिकांना विनम्र आवाहन करण्यात येते की, गुढीपाडव्याच्या दिवशी सकाळी ९ ते सायं ५वाजेपर्यंत डॉ. हेडगेवार रक्तपेढी येथे आयोजित रक्तदान शिबिरामध्ये आपण अधिकाधिक संख्येने रक्तदान करावे.हिंदु नववर्षाच्या व गुढीपाडवा निमित्ताने शहरातील तमाम स्त्री पुरुषांना व तरुण मुलामुलींना आवाहन करण्यात येते की, त्यांनी आपापल्या घरासमोर व घराजवळच्या मंदिरां समोर तसेच जवळ पासच्या चौकात रांगोळया काढून नववर्षाचे भव्यदिव्य स्वागत करावे आणि प्रत्येक घरावर धर्म ध्वज ऊभारावा, असे आवाहन संस्कृती संवर्धन समिती, अकोला चे अध्यक्ष डॉ आर . बि. हेडा, कार्याध्यक्ष हेमेंद्र राजगुरू, रा. स्व. संघ विभाग संघचालक नंदूजी देशपांडे, महानगर संघचालक गोपाल खंडेलवाल, संयोजक महेश जोशी, सहसंयोजक स्वानंद कोंडोलीकर यांनी केले आहे. या प्रसंगी सौ इंद्रायणी देशमुख, नरेंद्र राठी, पवन केडिया, राहुल राठी, ऍड मोतिसिंग मोहता, निलेश देव, प्रकाश घोगलिया, प्रशांत जोशी, प्रशांत पाटील, समीर थोडगे, शशांक जोशी, रुपेश शाह, मोहन मिश्रा, हरिदास ठाकरे, विकास राठोड, दिपक मायी, खेमराज भटकर, प्रवीण राखोंडे, श्रीपाद कुलकर्णी, अभिजित भाटवडेकर, राम भिरड,गजानन घोंगे, सुनील पसारी, राहुल इंगळे, अतुल कोंडोलीकर, सुधीर देशपांडे, निलेश जोशी, आशिष चंदाराना, संदेश खंडेलवाल, सुरज भागेवार, सारंगधर करे, कैलास कदम, पंकज देशमुख, नितीन गवळी व इतर संस्कृती संवर्धन समितीचे सदस्य उपस्थित होते.
