अकोल्यातील पत्रकार उमेश अलोने ‘डॉ. पंजाबराव देशमुख समाजवीर पुरस्काराने’सन्मानित

अकोला -‘एबीपी माझा’चे रिपोर्टर उमेश अलोणे यांना आज ‘डॉ. पंजाबराव देशमुख समाजवीर पुरस्कार’ प्रदान करण्यात आला. हा पुरस्कार त्यांनी आई श्रीमती वत्सलाबाई अलोणे यांच्यासह एका शानदार कार्यक्रमात स्विकारला. अकोल्यातील १७ संघटना आणि डॉ. पंजाबराव उपाख्य भाऊसाहेब देशमुख जयंती उत्सव समितीच्या वतीने हा पुरस्कार देण्यात आला. यावेळी अकोल्याचे जिल्हाधिकारी जितेंद्र पापळकर, महापालिका आयुक्त संजय कापडनीस, तामिळनाडूचे माजी प्रधान सचिव विश्वनाथ शेगांवकर, ‘लोकमत’च्या विदर्भ आवृत्तीचे कार्यकारी संपादक श्रीमंत माने आणि आयोजक नेहरूपार्कचे संचालक बी. एस. देशमुख उपस्थित होते.