सर्व अवैध धंदे बंद करा अन्यथा रास्तारोको,अनुचित प्रकार घडल्यास पोलिस व महसूल विभाग जबाबदार- युवक कांग्रेस

हिवरखेड (प्रतिनिधी)- हिवरखेड पोलीस स्टेशन अंतर्गत सर्वच प्रकारच्या अवैध धंद्यांना प्रचंड उधाण आले असून नागरिक अक्षरशः त्रस्त झाले आहेत. हे अवैध धंदे बंद करण्यासाठी महाराष्ट्र प्रदेश युवक कॉंग्रेस तर्फे पालकमंत्री, जिल्हाधिकारी, जिल्हा पोलिस अधीक्षक, उपविभागीय अधिकारी, तहसीलदार, हिवरखेड ठाणेदार इत्यादी वरिष्ठ स्तरावर निवेदने दिली आहेत.

अडगाव हे हिवरखेड पोलीस स्टेशन अंतर्गत येणारे अति संवेदनशील गाव असून या गावात अवैध धंद्यांना प्रचंड उधाण आले आहे. याकडे महसूल विभाग व पोलिस विभाग लक्ष द्यायला तयारच नाही. यामुळे काही अनुचित प्रकार घडल्यास याला पोलीस विभाग आणि महसूल विभाग जबाबदार राहणार आहे.

घरकुल, घराची कामे, रस्त्यांची कामे, मोठ्या प्रमाणात सुरू आहेत. ह्याकरिता मोठ्या प्रमाणात रेतीची आवश्यकता असते. नदी-नाले यांची रेती करिता हराशी झालेली नाही तरी सुद्धा गावातील ट्रॅक्टरद्वारे रेतीचा उपसा करणे अविरत सुरू आहे. यामध्ये काही राजकीय नेत्यांचे ट्रॅक्टर दिवस-रात्र रेतीची वाहतूक केली जात आहे. रेतीचे एजंट सुद्धा सक्रिय झालेले आहेत. एक ट्रॉली रेती पाच हजार रुपयांच्या जवळपास विकल्या जात आहे.

कोणत्याही प्रकारची रॉयल्टी भरलेली नसते ह्याची पटवारी, मंडळ निरीक्षक तथा तहसीलदार तेल्हारा यांना वारंवार सूचना देऊनही कोणताही फरक पडत नाही. कारण त्यांच्यावर राजकीय नेत्यांचा दबाव असतो असा आरोप सुद्धा निवेदनातून करण्यात आलेला आहे. बाहेरगावचे वरली मटक्याचे माफिया खायवाडी करण्यासाठी येथे येऊन त्यांनी मोठ्या प्रमाणात वरली-मटक्याचा धंदा वाढवला आहे. अडगाव बुद्रुक, हिवरखेड ते अकोला पर्यंत आम्ही सर्व संबंधितांना योग्य प्रमाणात “महाप्रसाद” पोहोचवत असल्यामुळे आमचे पोलिस काहीच करू शकत नाही असे हे खायवाढ मोठ्या हिमतीने सांगतात. वरली, मटका, बावन्न पत्त्यांचे क्लब, गुटखा, देशी अवैध दारू, इत्यादी सर्वच प्रकारचे अवैध धंदे येत्या पंधरा दिवसात बंद न झाल्यास अडगाव बुद्रुक येथील बस स्टैंड वर मोठ्या प्रमाणात रास्ता रोको आंदोलन करण्याचा इशारा देण्यात आला आहे. आणि होणाऱ्या सर्व परिणामांना पोलीस प्रशासनची जबाबदारी राहील असेही निवेदनात नमूद आहे.

ताज्या घडामोडींसाठी अवर अकोला न्युज ला भेट द्या
??????????

जाहिरात व बातम्यांकरिता-9922390308

व्हॉट्सअ‍ॅपवर ताज्या घडामोडी मिळवण्यासाठी Subscribe करा
व्हॉट्सअ‍ॅपवर बातम्या मिळवण्याकरीता 9765123455 हा नंबर तुमच्या
मोबईलमध्ये अवर अकोला या नावाने सेव्ह करा आणि खालील लिंकवर
क्लिक करून व्हॉट्सअ‍ॅप ग्रुप जॅाईन करा. https://chat.whatsapp.com/GTE9ESJCuQpJFd2VhjDny0