तेल्हारा (प्रतिनिधी)- तेल्हारा येथील श्रीराम नवमी उत्सव शोभायात्रा समितीच्या वतीने प्रजासत्ताक दिनाच्या शुभपर्वावर दि. 26जानेवारी 2020 रोजी भव्य तालुका स्तरीय क्रीडा स्पर्धेचे आयोजन करण्यात आले आहे.
तेल्हारा शहरातील श्रीराम नवमी उत्सव शोभायात्रा समिती वतीने विविध सामाजिक उपक्रमांचे आयोजन करण्यात येते. यावर्षी तेल्हारा तालुक्यातील युवक व युवती व क्रीडा प्रेमी यांच्या करीता तालुकास्तरीय विविध क्रीडा स्पर्धेचे आयोजन तेल्हारा तालुका क्रीडासंकुल येथे करण्यात आले आहे या मध्ये मुलाकरिता 1600 मीटर रनिंग, 400 मीटर रानिंग, गोळा फेक, लांब उडी, मुलीकरिता 100 मीटर रनिंग, गोळा फेक, व त्याच बरोबर तेल्हारा तालुक्यात प्रथमच फुटबॉल स्पर्धा अश्या विविध स्पर्धांचा समावेश आहे. त्याच बरोबर या सर्व स्पर्धाकरिता आकर्षक रोख बक्षिसे व स्मृतिचिन्ह आयोजन समिती कडून विजयी स्पर्धकांना देण्यात येणार आहे.
या कार्यक्रमाची सुरुवात तेल्हारा शहरातून धावती मशाल फेरी काढून करण्यात येणार आहे क्रीडा प्रेमी सह भारतीय सेने मध्ये सेवा देणारे तेल्हारा तालुक्यातील आजी माजी सैनिक सहभागी होऊन धावती मशाल फेरी भव्यदिव्य स्वरूपात निघणार आहे. त्यानंतर ठीक 11 वा कार्यक्रमाचे उदघाटन होऊन दिवसभर रंगतदार स्पर्धा रंगणार आहे तरी तेल्हारा तालुक्यातील तरुणांनी या स्पर्धमध्ये सहभागी व्हावे असे आवाहन श्रीराम नवमी उत्सव शोभा यात्रा समिती द्वारे करण्यात आले आहे.
ताज्या घडामोडींसाठी अवर अकोला न्युज ला भेट द्या
जाहिरात व बातम्यांकरिता-9922390308
व्हॉट्सअॅपवर ताज्या घडामोडी मिळवण्यासाठी Subscribe करा
व्हॉट्सअॅपवर बातम्या मिळवण्याकरीता 9765123455 हा नंबर तुमच्या
मोबईलमध्ये अवर अकोला या नावाने सेव्ह करा आणि खालील लिंकवर
क्लिक करून व्हॉट्सअॅप ग्रुप जॅाईन करा.
https://chat.whatsapp.com/I2tvT2AFMKnDagGDyS56n4
