* अखेर अवर अकोला न्युज चे भाकीत खरे ठरले
*आरोपीचा पतीने आत्महत्या केल्याचा बनाव फसला
*तेल्हारा पोलिसांनी ४८ तासात केली आरोपीला अटक
तेल्हारा(प्रतिनिधी)- अकोला जिल्ह्यातील तेल्हारा शहरात काल सकाळी ५० वर्षीय इसमाची हत्या झाल्याची घटना उघडकीस आली होती.यानंतर तेल्हारा पोलिसांनी तपास चक्रे फिरवली असता जीवनभर साथ देणाऱ्या पत्नीने पतीचा घात केल्याची बाब समोर आली याप्रकरणी खुनाचा गुन्हा दाखल करण्यात आला असून आरोपी पत्नीला अटक करण्यात आली आहे.
पोलिसांडुन मिळालेल्या माहितीनुसार तेल्हारा शहरातील संभाजी चौक येथील रहिवासी रमेश ओंकार हागे ५० यांचा मृतदेह काल सकाळी त्यांच्या घरासमोरील झोपडीत रक्ताच्या थारोड्यात तसेच जळलेला अवस्थेत आढळून आला होता.यावेळी हत्या झाल्याची बाब शहरात वाऱ्या सारखी पसरल्याने घटनास्थळी एकच खळबळ माजली होती.यावेळी तेल्हारा पोलिसांना घटनेची माहिती मिळताच ठाणेदार विकास देवरे हे आपल्या ताफ्यासह घटनास्थळी दाखल होऊन घटनेचे गांभीर्य लक्षात घेऊन अकोला येथील श्वान पथक,ठसे तज्ञ यांना पाचारण करून तपासचक्रे फिरवली.घटनास्थळी उपविभागीय पोलीस अधिकारी सुनील सोनवणे,स्थानिक गुन्हे शाखेचे कैलास नागरे यांनी यांनी घटनास्थळी पाहणी करून चॉकशी करण्यास सुरुवात केली. यामध्ये बऱ्याच जणांना संशयाच्या खाली विचारपूस करण्यात आली होती.यावेळी विशेष म्हणजे आरोपी पत्नीने असा काही बनाव केला होता की आरोपीची मध्यरात्री हत्या करून मृतदेह घरासमोरील झोपडीत आणून टाकला व मृतकाच्या जवळ एक चिठी लिहून टाकली व असे दर्शवले की माझ्या पतीने आत्महत्या केली.मात्र घटनास्थळावरील पुरावे आणि एकंदरीत तेथील चित्र काही वेगळेच असल्याने पोलिसांनी ही आत्महत्या नसून हत्या असल्याचे स्पष्ट केले होते. आरोपी पत्नी मंगला रमेश हागे हिने घटनेच्या रात्री सुमारे १.३० वाजेच्या दरम्यान पतीच्या डोक्यात मुसळ मारून जखमी केले त्यानंतर गळा आवळून जीवे मारण्याचा प्रयत्न केला आरोपी पत्नी एवढ्यावरच न थांबता तिने पतीला घरातच जाळण्याचा पर्यन्त सुद्धा केला मात्र घरात चांगलाच पेट मृतदेहाने घेतल्याने तीने मृतदेह पाण्याने विजवून त्याला फरफटत घराच्या बाहेर आणून झोपडीत आणून टाकले.सकाळी पतीला कोणीतरी मारून घरासमोर आणून टाकल्याचा बनाव करून पोलिसांची प्रथम दिशाभूल केली मात्र तेल्हारा पोलीस,श्वान पथक,ठसे तज्ञ,गुन्हे अन्वेषण विभागाच्या अधिकाऱ्यांनी घटनास्थळी पाहणी करून सदर हत्याकांड घरातच घडल्याचे समजले.हत्याकांड घडले तेव्हा मृतकाचा मुलगा हा लग्नात गेलेला होता तर मुलगी आणि आरोपी पत्नी ही शेजारच्या घरी झोपायला गेली होती मात्र आरोपी पत्नीने मोठ्या चलाखीने पतीचा अर्ध्या रात्री काटा काढला.
आज सकाळी आरोपी मंगला हागे हिला तेल्हारा पोलिसांनी ताब्यात घेऊन विचारपूस केली असता पाहिले उडवाउडवीची उत्तरे दिली मात्र पोलिसांनी आपला पोलिसिंग दाखवताच मीच हत्या केल्याचे कबूल केले.याप्रकरणी तेल्हारा पोलीस ठाण्यात कलम ३०२,२०१ नुसार गुन्हा दाखल करण्यात आला असून यामध्ये इतर कलमे वाढण्याची शक्यता आहे.तर तेल्हारा पोलीस या हत्याकांडात अजून कोणी सहभागी होते का याचा तपास करीत आहे.सदर हत्याकांडाचा तपास तेल्हारा पोलिसांनी ४८ तासात लावल्याने त्यांचे कौतुक होत आहे.
आरोपी मंगला रमेश हागे हिने आपल्या चौकशीत हत्या केल्याचे कबूल करून सदर हत्या ही पतीच्या दारूच्या त्रासापायी पतीचा काटा काढल्याचे पोलिसांना सांगितले
याप्रकरणी तेल्हारा पोलीसांची तपासाची गती बघता अवर अकोला न्युज ने आज दुपारीच असे भाकीत वर्तवले होते की येत्या चोवीस तासात आरोपीचा शोध घेऊन अटक करण्यात येईल ते भाकीत खरे ठरले.
*ताज्या घडामोडीसाठी अवर अकोला न्युज ला भेट द्या*
*हाक तुमची ?? साथ आमची*