बुलडाणा- महामार्गावर मॉर्निंग वॉकला जाणे दोन तरुणांच्या जिवावर बेतल्याची घटना मलकापुरात सोमवारी सकाळी घडली. अज्ञात वाहनाने तरुणांना चिरडले. त्यात एकाचा जागेवरच मृत्यू झाला तर दुसरा तरूण गंभीर जखमी झाला. मृत तरुणाच्या डोक्याचा अक्षरश: चेंदामेंदा झाला आहे.
मलकापूर तालुक्यातील मौजे निंबारी फाट्यानजीक सकाळी 6 वाजेच्या सुमारास ही घटना घडली. राहुल समाधान नेमाडे (वय-20) असे मृत तरुणाचे नाव असून अमर निना शेळके (वय-20) हा गंभीर जखमी आहे. सरकारी नोकरीसाठी फिटनेस हवा म्हणून राहुल आणि अमर मॉर्निंग वॉकसाठी बुलढाणा महामार्गावर रस्त्यावर आले होते. निंबारी फाट्यानजीक अद्यात वाहनाने राहुलला चिरडले. या अपघातात त्याच्या डोक्याचा अक्षरशः चेंदामेंदा झाला आणि त्याचा जागीच मृत्यू झाला.
अमर गंभीर जखमी झाला आहे. त्याच्या कमरेवर दुखापत झाली आहे. अपघाताची माहिती मिळताच दोघांच्या नातेवाईकांनी घटनास्थळी धाव घेतली. अमरला खासगी हॉस्पिटलमध्ये दाखल करण्यात आले.दरम्यान राहुलच्या अपघाती मृत्युमुळे निंबारीसह परिसरात हळहळ व्यक्त होत आहे.
अधिक वाचा : वाशीम जिल्ह्यात गोवर रुबेलाच्या लसीनंतर विद्यार्थिनीचा मृत्यू?
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
