बॉलिवूडचे ‘संस्कारी बाबूजी’ अर्थात आलोकनाथ यांच्या ‘असंस्कारी’ कृत्यांची यादी दिवसेंदिवस वाढत चालली आहे. निर्माती विनता नंदा, ‘हम साथ साथ है’ चित्रपटातील सहकलाकार यांनी केलेल्या लैंगिक शोषणाच्या आरोपानंतर आता अभिनेत्री संध्या मृदूलनेही आलोकनाथांवर गैरवर्तणुकीचे आरोप केलेत.
संध्या मृदूलने ट्वटिरच्या माध्यमातून तिच्यासोबत घडलेला प्रसंग शेअर केला आहे. ‘मी तेव्हा टीव्ही सिरियलमध्ये काम करत होते, त्या सिरियलमध्ये आलोकनाथ माझ्या वडिलांच्या तर रीमा लागू माझ्या आईच्या भूमिकेत होत्या. आलोकनाथ नेहमी माझं कौतुक करायचे. मीदेखील ‘बाबूजींची’ फॅन होते. इतका मोठा अभिनेता माझं कौतुक करतोय याचा मला आनंद व्हायचा. एका रात्री आमचे चित्रिकरण लवकर संपल्यामुळे आमची सगळी टीम जेवणासाठी रात्री बाहेर पडली. त्यावेळी आलोकनाथ प्रचंड दारु प्यायले आणि ‘तू केवळ माझीच आहेस’ असं सारखं म्हणत राहिले. त्यांच्या अशा वागण्यामुळे आम्ही न जेवताच आमच्या हॉटेल रूमवर परतलो. त्यानंतर काहीवेळाने पुन्हा माझ्या रूमचे दार ठोठावले गेले मी दार उघडताच मद्यधुंद अवस्थेत आलोकनाथ माझ्या रूममध्ये शिरले. त्यांनी मला जबरदस्ती त्यांच्याजवळ ओढण्याचा प्रयत्न केला. मी त्यांना ढकलून पळण्याचा प्रयत्न केल्यावर तू पुन्हा पळत मला पकड्यासाठी माझ्या मागे आले. ‘तू फक्त माझी आहेस’, ‘मला तू हवी आहेस’ असं मोठमोठ्यानं ते ओरडत होते. मी त्यांच्यापासून पळ काढत कशीतरी रूमबाहेर निसटले. लॉबीमध्ये आमचे डी.ओ.पी होते मी त्यांना घडला प्रकार सांगितला. त्यानंतर कितीतरी वेळ आलोकनाथ माझ्या रूममधून बाहेर पडायला तयारच होत नव्हते. परंतु, त्यांचे हे रुप पाहून मला जबर धक्का बसला.मी इतकी घाबरले होती की माझी हेअरड्रेसर माझ्या सोबतीला खोलीत कायमस्वरूपी झोपायला लागली. हा सगळा प्रसंग घडून गेल्यावर त्यांच्या वागण्यात मात्र किंचतही बदल झाला नाही. दर रात्री ते माझ्या खोलीत येण्याचा प्रयत्न करायचे किंवा मला फोन करून प्रचंड त्रास द्यायचे. परंतु, माझ्याकडे त्यांच्यासोबत चित्रिकरण करण्याशिवाय पर्याय नव्हता. या सगळ्या मानसिक तणावामुळे मी प्रचंड आजारी पडले. मी आतून पूर्णपणे तुटले होते आणि पुन्हा त्या माणसासोबत चित्रिकरण करण्याची माझी हिम्मत नव्हती. मी आजारी पडल्यावर मात्र ते मला भेटायला आले, माझी माफीही मागितली. मी त्यांना मुलीसारखी आहे असं सांगितले. आपण पूर्णपणे दारुच्या आहारी गेलो असून त्याचा त्रास सगळ्यांना होतो आहे असंही त्यांनी सांगितलं. त्यांच्यावर विश्वास ठेवण्याशिवाय माझ्याकडे काही पर्याय नव्हता. या काळात माझ्या सहकलाकारांनी विशेष म्हणजे रीमा लागूंनी माझी मुलीप्रमाणे काळजी घेतली. चित्रिकरणानंतर आम्ही पुन्हा मुंबईला आल्यावर मात्र आलोकनाथ माझी बदनामी करू लागले. संध्या प्रचंड अंहकारी आहे असं ते सगळ्यांना सांगू लागले. माझ्यासोबत त्यांनी केलेल्या प्रसंगाबद्दल मी लोकांना सांगितल्यावर अनेकांनी विश्वास ठेवला नाही, तर आलोकनाथ इंडस्ट्रीमधील मोठं नाव असल्यानं अनेकांनी याविषयी ठोस भूमिका घेणं टाळलं. त्यामुळे मला कामं मिळणं देखील बंद झालं. ‘ असं संध्यानं सांगितलं.
In truth & solidarity.
I’m with you @vintananda #metoo pic.twitter.com/ZoiT2dT3yL— Sandhya Mridul (@sandymridul) October 10, 2018
आलोकनाथ इतर अनेक महिलांशी गैर वागले असतील त्या सगळ्या महिलांनी पुढे यावे, आणि आलोकनाथ यांचं पितळं उघडं पाडावं अशी विनंतीही संध्यानं केलीय. शिवाय, ‘आता तुमच्या पापाचा घडा भरलाय’ असा टोलाही आलोकनाथ यांना लगावलाय.
अधिक वाचा : ‘संस्कारप्रिय बाबुजी’ आलोकनाथ यांच्यावर बलात्काराचे आरोप
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
