अकोट उपविभागीय पोलीस अधिकारी म्हणुन सुनील सोनवणे रुजु

अकोट (प्रतिनिधी)- अकोट उपविभागीय पोलीस अधिकारी सी.टी. इंगळे यांच्या जागेवर अमरावती येथून सुनील सोनवणे यांची नियुक्ती करण्यात आली आहे.त्यांनी आज आपला अकोट उपविभागीय कार्यालय येथे पदभार सांभाळला.
संवेदनशील समजल्या जाणाऱ्या अकोट व विभागातील गावांसाठी एका खमख्या अशा उपविभागीय पोलीस अधिकारी यांची नियुक्ती अकोट विभागात हवी होती. सुनील सोनवणे हे अमरावती येथे असतांना एक खमख्या पोलीस अधिकारी म्हणून ओळख निर्माण झाली होती. त्यामुळे अकोट विभागात सुद्धा त्यांची अशीच कारकीर्द राहणार असल्याने काहींनी याचा धसका घेतला आहे.उपविभागीय पोलिस अधिकारी सी टी इंगळे लाच घेतांना रंगेहाथ पकडल्याने त्यांचे निलंबन करण्यात आले होते. त्यांच्या जागी उपविभागीय पोलिस अधिकारी म्हणून सुनील सोनवणे यांनी आज कारभार सांभाळला.