अकोला -: इंडियन फ्लोअर बॉल फेडरेशन ने चेन्नई ( तामिळनाडू) येथे दिनांक 29 ते 31 ऑक्टोबर 2022 या दरम्यान आयोजित केलेल्या राष्ट्रीय फ्लॉवर बॉल अजिंक्य स्पर्धा 2022 मध्ये तेल्हाराच्या से. ब. विद्यालयाची वर्ग दहावीची विद्यार्थिनी कु. सायली वसंत गतमने हिने महाराष्ट्राच्या संघात तेल्हारा तालुक्याचे प्रतिनिधित्व करत राष्ट्रीय फ्लोअरबॉल अजिंक्य स्पर्धा 2022 च्या सेमी फायनल मध्ये तामिळनाडूला त्याच्या होम स्पीच वर 4-0 ने धूळ चारत महाराष्ट्राला फायनल मध्ये पोचविले.
फायनल मध्ये महाराष्ट्राचा सामना कर्नाटक विरुद्ध महाराष्ट्र असा रंगला त्यामध्ये सुद्धा कर्नाटकला लोळवत महाराष्ट्राने 6 – 2 ने सामना जिंकत इंडियन फ्लॉअर बॉल फेडरेशनची 2022 नामांकित ट्रॉफी महाराष्ट्राला मिळाली. सोबतच सायलीला गोल्ड मेडल मिळाले.
या यशाचे श्रेय ती से. ब. विद्यालय तेल्हारा चे प्राचार्य श्री आर. के. देशमुख सर, वर्गशिक्षक, क्रीडाशिक्षक, इतर शिक्षक वृंद आणि तिचे कोच श्री. टाले सर मुर्तीजापुर चे नामांकित क्रीडाशिक्षक यांना देते.
