कोल्हापूर : कोल्हापूर जिल्ह्यातील धक्कादायक प्रकार समोर आला आहे. स्पर्धा परीक्षेत यश मिळत नसल्याने नैराश्येतून (Kolhapur Crime) एका तरुणाने राहत्या घरी गळफास घेऊन आत्महत्या (Suicide) केली आहे. प्रयत्न करुनही स्पर्धा परीक्षेत यश येत नसल्याने त्या तरुणाने आपल्या जीवन यात्रेचा शेवट केला आहे. गजानन धोंडिराम गुरव (Gajanan Dhondiram Gurav) (वय 23, रा. जाखले, ता. पन्हाळा) असं मृत तरुणाचे नाव आहे. ही घटना रविवारी रात्रीच्या दरम्यान घडली आहे.
याबाबत माहिती अशी, पन्हाळा तालुक्यातील जाखळे येथील गजानन गुरव (Gajanan Dhondiram Gurav) याने तीनवेळा स्पर्धा परीक्षा दिली होती. यामध्ये त्याला अपयश आले होते. त्यानंतर दिलेल्या एमपीएससीच्या स्पर्धा परीक्षेत गजाननाला 2 विषयांमध्ये कमी गुण मिळाल्याने तो 4 दिवसांपासून निराशेत होता. दरम्यान, याच नैराश्यातून त्याने आपल्या राहत्या घरी कोणी नसल्याचे पाहून गळफास घेऊन आत्महत्या (Kolhapur Crime) केली आहे.
दरम्यान, या घटनेमुळे गावातील परिसरात हळहळ व्यक्त होत आहे, या घटनेची नोंद कोडोली पोलिस ठाण्यात (Kodoli Police Station) झाली आहे. मृत गजानन गुरव याच्या मागे आई, भाऊ असा परिवार आहे.
