प्रत्येकाच्या आयुष्यात काही ना काही संकटे नक्की येतात पण त्यांना तुम्ही कसे सामोरे जातात हे तुमच्यावर अवलंबून आहे. अशातच जर घरातील मोठ्या व्यक्तीचा हात जर तुमच्या डोक्यावर नसेल तर त्यात अजून दुःख वाटते. जेव्हा एखदा व्यक्ती एकटा असेल तर याने लग्न करावे म्हणजे तो व्यक्ती गृह संसारात अडकल्यानंतर वाईट मार्गाला लागत नाही, असं म्हटलं जातं. लग्न हि एक अशी गोष्ट आहे जी चांगल्या चांगल्या लोकांना वळणावर घेऊन येते. पण विचार करा कि जर, लग्नानंतर जर एखादी दुर्दैवी घटना त्या व्यक्ती सोबत घडली तर, त्याला काय वाटत असेल. अशीच एक घटना मध्यप्रदेश मधील राहणाऱ्या एका व्यक्ती सोबत घडली. घटना वाचून तुम्हाला विश्वास बसणार नाही.
मध्य प्रदेश मधील भिंड कोतवाल पोलीस ठाण्यात वैराग्यपूर येथील एका विचित्र घटनेची नोंद करण्यात अली आहे. एक नव विवाहित नवरी लग्नाच्या पहिल्याच दिवशी घरातून पळून गेल्याचा प्रकार या पोलीस ठाण्यात नोंदवला गेला. मनोज सोनी यांचा मुलगा गोपाळ सोनीयाने एका व्यक्तीच्या ओळखीने संबंधित मुलीशी लग्न केले. ज्या व्यक्तीने गोपाळसोबत या मुलीशी ओळख करुन दिली. त्याला त्याने आनंदाने ३५ हजार रुपये देखील दिले. यानंतर आपल्याच जवळच्या काही कुटुंबियांना घेऊन त्याने त्या मुलीशी विवाह संपन्न केला.
लग्न उरकल्यानंतर गोपाळ जेव्हा रात्री आपल्या खोलीत गेला, तेव्हा संबंधित मुलीने त्याला आपल्या पोटात भयानक वेदना होत आहे असे सांगतिले. त्याला वाटले कि, गरम वातावरणामुळे तिला पोटात त्रास होत असेल. त्यानेसुद्धा तिला काही न बोलता बाहेर फिरायला जाण्यास सांगितले. पण यानंतर सुद्धा तिला फरक जाणवत नसल्याचे संबंधित मुलीने गोपाळला सांगितले. त्यानंतर गोपळने मी मेडिकलमधून औषध घेऊन येतो, असं सांगितलं. मेडिकलमधून घरी आल्यावर गोपाळ बघतो तर, संबंधित महिला घरातून गायब होती आणि सोबत घरातील सर्व किमती वस्तूसुद्धा जागेवर नव्हत्या. त्याला खात्री पटली कि, त्याच्यासोबत धोका झाला आहे. त्याने वेळ वाया न घालवता लगेच गावातील पोलीस चौकी गाठली आणि घडलेली सर्व घटना सांगून गुन्हा दाखल केला.
