तेल्हारा(प्रतिनिधी)–काल दिनांक 2 डिसेंबर रोजी आरसूड येथे दुचाकी व ट्रक यांच्यामध्ये भीषण अपघात होऊन एकाचा ट्रक खाली दबून तर दोघांचा तर पडून मृत्यू झाल्याची घटना घडली.
मिळालेल्या माहितीनुसार सविस्तर वृत्त असे आहे की अडसूळ येथील शुभम धाब्यानजीक काल दुपारी एक वाजेदरम्यान निंबा फाट्याकडून कापूस घेऊन व हमाल घेऊन अडसूळ कडे येणाऱ्या टाटा 407 ने अडसूळ कडून येणाऱ्या दुचाकीवर थेट पलटी घातल्याने दुचाकीवरील तिन्ही इसम हे कापसाच्या ट्रक खाली आल्याने तिघांपैकी एक वयोवृद्ध इसमाचा जागीच मृत्यू झाला तर ट्रक वरील दोन हमाल ट्रक वरून पडून त्यांचा मृत्यू झाल्याचे तेथील उपस्थित नागरिकांकडून सांगण्यात आले यावेळी अपघात झाल्याचे समजताच शुभम नवलकर या युवकाने लगेच मदत करण्यास सुरुवात केली तर श्री ब्रिक्स इंडस्ट्रीज चे मालक शेखर सिन्हा यांनी दबलेल्या तिन्ही जणांना वाचवण्यासाठी स्वतःची जेसीबी घेऊन घटनास्थळी धाव घेऊन जेसीबीद्वारे ट्रक बाजूला करून दबलेल्या तिघांपैकी दोघाना वाचवण्यासाठी मोठी कामगिरी केली.ट्रक चालकाच्या बेजबाबदारपणामुळे आपल्या साईटवर असलेल्या दुचाकी स्वारांना तसेच हमालाना आपला जीव गमवावा लागला .जखमी दुचाकी स्वारांना उपचारासाठी अकोला हलवण्यात आले .या घटनेत दुचाकीवरील मृतक प्रल्हाद किसन अडसने वय 65 रा शेगाव व ट्रकवरील मृतक जाबिर शहा जब्बार शहा व शेख मोबिन शेख इमाम रा अकोट यांचा यामध्ये मृत्यू झाला असून याबाबत तेल्हारा पोलीस ठाण्याचे ठाणेदार दिनेश शेळके यांच्या मार्गदर्शनाखाली तेल्हारा पोलीस पुढील तपास करीत आहेत.
