अकोला : आज होत असलेल्या अमरावती विभाग शिक्षक मतदारसंघाच्या निवडणुकीमध्ये शहरातील आगरकर विद्यालयाच्या मतदान केंद्रावर सर्वच उमेदवारांनी आपले मतदान बुथ ठेवले परंतु महाविकास आघाडीचे उमेदवार श्रीकांत देशपांडे यांनी मतदान केंद्राबाहेरील बुथवर चक्क शिक्षक आघाडीचे पोस्टर लावल्याने वंचित बहुजन आघाडीचे पुरस्कृत उमेदवार महेश डवरे यांनी आक्षेप घेत निवडणूक विभागाकडे देशपांडे विरुद्ध आचारसंहिता भंग केल्याची तक्रार दाखल केली आहे.
२१ नोव्हेंबरला रामदास पेठ पोलीस ठाण्याच्या हद्दीतील एका शाळेत कुठलीही परवानगी न घेता, सभा घेतल्याने शिक्षक मतदार संघाच्या निवडणूक रिंगणात उभे असलेले आ. श्रीकांत देशपांडे यांच्यावर रामदासपेठ पोलिस ठाण्यात आपत्ती व्यवस्थापन कायदा व आचारसंहिता भंग केल्याचा गुन्हा दाखल करण्यात आला आहे.
शिक्षक मतदारसंघाच्या निवडणूकीत रिंगणात असलेल्या आ. श्रीकांत देशपांडे यांनी शहरातील ज्युबली इंग्लीश स्कुलमध्ये शिक्षक मतदारांची बैठक घेतली. या संदर्भात जिल्हाधिकारी यांच्या भरारी पथकातील नायब तहसीलदार यांनी दिलेल्या फिर्यादीनुसार आयोजक आमदार श्रीकांत देशपांडे यांनी जिल्हाधिकारी कार्यालयाची कोणतीही परवानगी न घेता, कोरोना सारख्या साथीच्या रोगाचा प्रसार होईल याची जाण असताना सुध्दा प्रचार बैठकीचे आयोजन केल्याने त्याच्याविरध्द भारतीय दंड विधानाच्या कलम २६९, २७०, १८८ तसेच आपत्ती व्यवस्थापन अधिनियम २००५ चे कलम ५१ ब तसेच साथरोग अधिनियम १९९७ कलम २,३,४ अन्वये रामदासपेठ पोलिस ठाण्यात गुन्हा दाखल केला आहे.
शिक्षक मतदारसंघाच्या निवडणूकीत रिंगणात असलेल्या आ. श्रीकांत देशपांडे यांनी शहरातील ज्युबली इंग्लीश स्कुलमध्ये शिक्षक मतदारांची बैठक घेतली. या संदर्भात जिल्हाधिकारी यांच्या भरारी पथकातील नायब तहसीलदार यांनी दिलेल्या फिर्यादीनुसार आयोजक आमदार श्रीकांत देशपांडे यांनी जिल्हाधिकारी कार्यालयाची कोणतीही परवानगी न घेता, कोरोना सारख्या साथीच्या रोगाचा प्रसार होईल याची जाण असताना सुध्दा प्रचार बैठकीचे आयोजन केल्याने त्याच्याविरध्द भारतीय दंड विधानाच्या कलम २६९, २७०, १८८ तसेच आपत्ती व्यवस्थापन अधिनियम २००५ चे कलम ५१ ब तसेच साथरोग अधिनियम १९९७ कलम २,३,४ अन्वये रामदासपेठ पोलिस ठाण्यात गुन्हा दाखल केला आहे.
