तेल्हारा – आज वंचित बहुजन आघाडी तेल्हारा तर्फे तेल्हारा नगर पालिकेवर विविध मागण्यांसाठी धडक मोर्चा नेण्यात आला होता यावेळी घोषणाबाजी करीत मागण्यांचे निवेदन मुख्याधिकारी याना देण्यात आले.
शहरात नगर पालिकेकडून अनेक सभागृहे तसेच उद्याने बांधण्यात आले मात्र या न प मालिकेच्या सभागृहाची दयनीय अवस्था झाली असून न प प्रशासनाचे याकडे दुर्लक्ष होत असल्याने तसेच शहरातील इतर मागण्यासाठी आज वंचितचा धडक मोर्चा तेल्हारा पालिकेवर धडकून निवेदनाद्वारे मागण्या करण्यात आल्या यामध्ये डॉ. बाबासाहेब आंबेडकर यांच्या पुतळ्याचे सुशोभीकरण करणे, मिलिंद नगर, भीम नगर, पंचशील नगर, इंदिरानगर, सिद्धार्थ नगर, लुंबिनी नगर व छत्रपती शाहू महाराज नगर येथे युवकांच्या साठी स्वतंत्र जिम उपलब्ध करून देणे व त्याठिकाणी सामाजिक सभागृह बांधणे व हायमास्ट लाईट उभारणे,दुरावस्थेत असलेल्या सभागृहाची स्वछता करून व्यवस्थित करावे.
अशा प्रकारच्या प्रमुख मागण्या वंचित बहुजन आघाडीच्या वतीने धडक मोर्चामध्ये करण्यात आल्या यावेळी नगर परिषद प्रेवशद्वाराला बेशरम चे तोरण बांधुन नगर परिषदेचा जाहिर निषेध करण्यात आला.यावेळी राजेंद्र पातोडे प्रदेश प्रवक्ते वंचित बहुजन आघाडी तथा , प्रमोद देंडवे जिल्हा सचिव वंचित बहुजन आघाडी, सचिन शिराळे प्रसिद्धीप्रमुख, नरेंद्र बेलसरे जिल्हा नेते, विकास पवार शहराध्यक्ष,अशोक दारोकार महासचिव तेल्हारा तालुका, पद्माताई गवारगुरु तालुका अध्यक्षा महिला आघाडी, कल्पना हिवराळे शहराध्यकक्षा महिला आघाडी, धीरज वरठे मा अध्यक्ष, सैफुल्ला खान यांच्यासह शेकडो कार्यकर्ते उपस्थित होते.यावेळी मागण्यापूर्ण न झाल्यास न प अधिकारी व पदाधिकारी याना डॉ बाबासाहेब आंबेडकर यांच्या दर्शनाकरिता पाय ठेऊ दिल्या जाणार नाही असा दम देण्यात आला.तसेच मुख्याधिकारी यांनी माझ्या अधिरकत्यात येत असलेल्या बाबी पूर्ण करण्याचे आश्वासन देऊन इतर बाबी सभागृहात मांडू असे मुख्याधिकारी यांनी यावेळी वंचितच्या पदाधिकाऱ्यांना दिले.
