तेल्हारा (योगेश नायकवाडे) :- दि. 28 नोव्हेंबर रोजी महात्मा फुले पुण्यतिथी तसेच 26/11 च्या हल्ल्यात शहिद झालेल्या जवानांसाठी महात्मा फुले ब्रिगेड व संत सावता माळी युवक संघ यांच्यावतीने भव्य रक्तदान शिबिराचे आयोजन करण्यात आले. या मध्ये गरजूचे रक्तदाते ग्रुप महाराष्ट्र राज्य व छत्रपती स्पर्धा केंद्र तेल्हारा यांचे विशेष सहकार्य लाभले.
या रक्तदान शिबिरात 51 रक्तदात्यानी स्वइच्छेने रक्तदान केले. तसेच यामध्ये मुलींनी व महिलांनी रक्तदान करून त्या कोणत्याच क्षेत्रात मागे नाहीत हे दाखवून दिले. या मध्ये माजी सैनिकांचा पण सहभाग होता .कार्यक्रमामध्ये प्रमुख उपस्थिती म्हणून तेल्हारा ठाणेदार मा.दिनेश शेळके साहेब यांनी उपस्थिती दर्शवली व असेच सामाजिक उपक्रम राबवून इतरांना मदत करण्याचे आव्हाहन केले.
तसेच या कार्यक्रमाला तेल्हारा तालुक्यातील समस्त गावकरी मंडळी, जेष्ठ मंडळी उपस्थित होते. सदर कार्यक्रम हा कोरोनाचे सर्व नियमांचे पालन करून पार पाडण्यात आला.
