वरुळ जऊळका येथे दारूविक्रेत्याची दादागिरी खुलेआम मंदिर परिसरात अवैध दारुची विक्री

अकोट (देवानंद खिरकर)- अकोट तालुक्यातील दहीहांड़ा पोलिस स्टेशन अंतर्गत येत असलेल्या वरुळ जऊळका येथिल गजानन महाराज योगयोगेश्वर संस्थान परीसरात गावातील अवैध दारूचा व्यवसाय करणारा दारू विक्रेता दररोज खुलेआम अवैध दारुची विक्री करित आहे. या बाबत पोलिसांना पुर्णपणे माहीती असुन सुध्दा कारवाई करण्यात येत नाही अशी गावकऱ्यांचा आरोप आहे. याठिकाणी गजानन महाराज यांचे पवित्र असलेले योगयोगेश्वर संस्थानचा या दारु विक्रीमुळे भंग होत आहे. येथे दारु पिणारे हे दादागीरी करत अश्लील भाषेचा वापर करतात यामूळे येथे विनाकारण वाद होण्याची दाट शक्यता नाकारता येत नाही.त्यामूळे वरिस्ठ अधिकारी यांनी तात्काळ दखल घेवून योगयोगेश्वर संस्थान समोर सुरु असलेली अवैध दारुची विक्री थांबवावी व कडक कारवाई करावी.अशी मागणी योगयोगेश्वर संस्थानचे अध्यक्ष ह.भ.प.गणेश महाराज शेटे यांच्यासह गावकऱ्यांनि केली आहे.