वाशिम ( प्रतिनिधी ): उत्तर प्रदेश येथील ट्रॅक चालक, मुंबई ते नागपूर येथे दि.२ मे दरम्यान वाशिम जिल्ह्यातून जात असताना त्यांची अचानक प्रकृती बिघडली. त्यांना कुकसा फाटा येथे चेकपोस्ट वरून वाशिम जिल्हा सामान्य रुग्णालयात दाखल केले. यावेळी त्यांचा दि.३ मे रोजी मृत्यू झाला. दरम्यान क्लिनरच्या स्त्रावाचे नमुने पाठविले, तो पॉझिटिव्ह आला आहे.
दरम्यान, त्यांनी डिझेल भरलेला अक्षय पेट्रोलपंप खबरदारीचा उपाय म्हणून सील करण्यात आला होता. तर त्याचा सहकारी चालक याला जिल्हा सामान्य रुग्णालयात क्वारंटाईन करण्यात आले होते, त्या दरम्यान आज त्या चालकाचा स्त्रावाचा अहवाल पॉझिटिव्ह आला आहे.
ग्रीन झोनमध्ये असलेल्या वाशिम जिल्ह्यात पुन्हा परप्रांतीय व्यक्तींमुळे कोरोनाचा शिरकाव झाला असून सदर कोरोना पॉझिटिव्ह रुग्णावर जिल्हा सामान्य रुग्णालयात उपचार सूरु आहेत.
