पातूर येथील जेष्ठ न.प.च्या माजी शिक्षण सभापती श्रीमती दुर्गाबाई कांशीरामजी लोथे यांचे दुःखद निधन,पातुरात शोककळा

पातूर (सुनील गाडगे): पातुर येथील श्री. सीदाजी महाराज वेटाळ निवासी पातूर नगर परिषद चे माजी उपाध्यक्ष स्व.कांशीरामजी चहादूजी लोथे यांच्या पत्नी श्रीमती दुर्गाबाई कांशीरामजी लोथे यांचे दुःखद निधन सोमवारी सकाळी 9वाजता झाले असून या निधनामुळे पातूर शहरात शोककळा निर्माण झाली आहे. अल्पशा आजार आणि वृद्धापकाळाने त्यांची प्राणज्योत मालवली आहे मृत्यूसमयी त्यांचे वय 71 वर्षाचे होते.
पातूर येथील मनसेचे पातूर तालुका अध्यक्ष डॉ. प्रशांत लोथे व विद्युत वितरण कंपनी चे उपकार्यकारी अभियंता श्रीकांत लोथे यांच्या त्या मातोश्री आहेत. श्रीमती दुर्गाबाई लोथे पातूर कृषी उत्पन्न बाजार समितीच्या संचालक होत्या तर विविध प्रकारच्या सामाजिक संंस्थेच्या नेतृत्व करीत होत्या त्यांच्या निधनामुळे सामाजिक क्षेत्रात महिला नेतृत्वाची पोकळीक निर्माण झाली आहे. त्यांचेवर मंगळवारी सकाळी 8 वाजता अंतिम संस्कार करण्यात येणार आहेत त्यांच्या पाठीमागे दोन मुले दोन मुली आणि नातवंडांचा मोठा परिवार आहे.