जलाशय – तलावाखालील जमिनीवर चारा पिक घेण्यासाठी अर्ज सादर करण्याचे आवाहन

अकोला : सन 2018-19 च्या दुष्काळी परिस्थितीत जिल्हयातील जलाशयाखालील / तलावाखालील जमीनीचा विनियोग चारा पिके घेण्यासाठी होणार आहे. त्यानुसार चारा लागवडीकरीता दि. 14 डिसेंबर 2018 पर्यंत इच्छुकांनी पशुसंवर्धन विभागाकडे अर्ज सादर करुन सदर योजनेचा लाभ घ्यावा, असे आवाहन जिल्हा प्रशासनाने केले आहे.

राज्याच्या बहुतांश भागात अत्यल्प पर्जन्यमानामुळे दुष्काळी परिसस्थिती निर्माण झाली आहे. त्यामुळे संभाव्य चारा टंचाई विचारात घेऊन शासनाने सन 2018-2019 च्या दुष्काळी परिस्थीतीत जलाशयाखाली / तलावाखालील जमीनीचा विनियोग फक्त चारा पीके घेण्याबाबत शासनाने जलसंपदा तसेच मृद व जलसंधारण विभागाच्या प्रकल्पांमध्ये पाणीसाठा कमी झाल्यामुळे बुडीताखालील जमिनी मोकळया/ उघड्या पडलेल्या आहेत, अशा जमिनी वैरण पिकांच्या लागवडी करिता सर्वात उपयुक्त असतात. जलशय आणि तलावा खालील जमिनीचा विनियोग गाळपेर पिकासाठी दरवर्षी करण्यात येतो. त्यासाठी भाडेपट्टा देण्याच्या पध्दतीविषयी महाराष्ट्र सार्वजनिक बांधकाम नियम पुस्तिका. सहावी आवृत्ती 1984 परिशिष्ट- 17 मधील (तीन) नुसार कार्यवाही करावी. असे शासनाचे निर्देश आहेत.

अकोला जिल्हयात सदर अभियान लोकभिमुखरित्या राबविण्याबाबतचे नियोजन जिल्हा प्रशासनाकडून करण्यात आलेले आहे. याकरिता शासन निर्णयात दिलेल्या खालील लाभार्थ्यांनी उपायुक्त, जिल्हा पशुसंवर्धन अधिकारी यांच्या कार्यालयात दिनांक 14 डिसेंबर 2018 पर्यंत अर्ज सादर करावा, असे आवाहन जिल्हा प्रशासनाने केले आहे.

ज्या व्यक्ती किंवा व्यक्तींच्या जमिनीचे नविन तलाव, उत्प्लव बांधे, बांध इ. बांधण्यासाठी संपादन करण्यात आलेली आहे अशी व्यक्ती किंवा अशा व्यक्ती, स्थानिक भूमिहीन मागासवर्ग आणि अन्य लोक यांच्या संमिश्र सहकारी संस्था मात्र त्यात मागासवर्गीय सदस्यांची संख्या अधिक असली पाहिजे. स्थानिक भुमिहीन मागासवर्गीय लोकांच्या सहकारी संस्था, अन्य स्थानिक भुमिहीन लोकांच्या सहाकारी संस्था, स्थानिक भुमिहीन मागासवर्गीय लोक, अन्य जमातींचे स्थानिक भुमिहीन लोक , बाहेरील भुमिहीन लोक, स्थानिक भुधारक, उपरोक्त पैकी कोणतेही लाभार्थीं उपलब्ध न झाल्यास गावातील जास्त पशुधन असलेल्या शेतक-यांना प्राधान्य देण्यात यावे, असे प्रशासनाने कळविले आहे.

अधिक वाचा : जिल्हाधिकारी यांच्या अध्यक्षतेखाली जिल्हा वार्षिक योजना सन 2019-20 चा प्रारुप आराखडयाबाबत बैठक संपन्न

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola