नवी दिल्ली: पंजाब नॅशनल बँकेला कोट्यवधींचा गंडा घालणाऱ्या नीरव मोदीला सक्तवसूली संचालनालयाने (ईडी) जोरदार दणका दिला आहे. मोदीची ज्वेलरी, बँक अकाऊंटसहित सुमारे ६३७ कोटींची संपत्ती जप्त करण्यात आली आहे. भारतासहीत एकूण पाच देशात ही कारवाई करण्यात आली आहे.
ईडीने पाच देशांत जाऊन ही कारवाई केली आहे. त्याच्या जप्त करण्यात आलेल्या संपत्तीत २२.६९ कोटीच्या हिरेजडीत दागिन्यांचाही समावेश आहे. हाँगकाँगमध्ये त्याची ही संपत्ती जप्त करण्यात आली आहे. तर दक्षिण मुंबईतील त्याचा १९.५ कोटींचा प्लॅटही जप्त करण्यात आला आहे. हा फ्लॅट पूर्वी मोदी यांच्या नावाने रजिस्टर असून २०१७ मध्ये तो खरेदी करण्यात आला होता.
ईडीने त्याचे सिंगापूरमधील एक बँक खाते सील केले आहे. त्यात ४४ कोटी रुपयांची मालमत्ता आहे. आइसलँड कंपनीच्या नावाने हे खाते उघडण्यात आले होते. या बँक खात्याच्या खातेधारकांमध्ये पूर्वी मोदी आणि मयंक मेहता यांच्या नावाचा उल्लेख आल्याचं सूत्रांनी सांगितलं.
या शिवाय नीरव आणि पूर्वी मोदी यांच्या नावाने असलेले पाच बँक खातेही गोठवण्यात आले आहेत. त्यात २७८ कोटींची संपत्ती असल्याचं सांगण्यात येतं. त्याची लंडन येथील ५६ कोटींची संपत्तीही जप्त करण्यात आली आहे. लंडनमधील त्याचा एक फ्लॅट सुद्धा जप्त करण्यात आला आहे. अमेरिकेतील न्यूयॉर्कमधील २१६ कोटी किंमत असलेल्या त्याच्या दोन मालमत्ताही जप्त करण्यात आल्या आहेत.
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
