खापरखेड (योगेश नायकवाडे): तेल्हारा तालुक्यातील खापरखेड येथील श्रीधर शंकरराव काळमेघ (34) या युवकास आरोपींनी संगनमत करून तू गावात लावलगाया करतो असे म्हणून चामडी पट्टा व पाईपने पायावर, हातावर, पाठीवर, मांडीवर मारहाण केल्याची घटना 15 सप्टेंबर रोजी रात्री 9.30 वाजताच्या सुमारास घडली असून,फिर्यादीच्या तक्रारी वरून व डॉक्टरांचे वैद्यकीय प्रमानपत्रावरून खापरखेड येथील आरोपी विरुद्ध 16 सप्टेंबर रोजी गुन्हे दाखल करण्यात आले आहेत.

फिर्यादी श्रीधर शंकरराव काळमेघ (34) रा.खापरखेड ता.तेल्हारा 15 सप्टेंबर रोजी रात्री 8 वाजता बाहेरगाववरून घरी आला.तर 9.30 वाजताच्या दरम्यान सोपान संतोष ताथोड रा.खापरखेड हा फिर्यादीच्या घरी आला व त्याने उद्याच्या हेडम्बा वरील कामाच्या व चाळणीच्या बदलण्याच्या संबंधाने बाबसोबत बोलायचे आहे,असे म्हणून त्याला घरून बोलावून नेले.फिर्यादी सोपान सोबत गावलंगतच्या गायवाड्यात गेला असता तेथे आरोपी नामे सतीश व अंकुश या दोघांनी फिर्यादीला पकडून ठेवले तर सोपान याने हातातील चामडी पट्ट्याने तर ज्ञानेश्वर ने लोखंडी पाईपणे फिर्यादीच्या सर्वांगावर मारहाण केली.मारहाण करणाऱ्यांनी आम्ही आता खतम करून टाकतो.येथेच दफन करतो,अशी धमकी दिली.तक्रारी वरून तसेच डॉक्टरांच्या वैद्यकीय प्रमाणपत्रावरून तेल्हारा पोलीसांनी सोपान ताथोड, सतीश ताथोड,ज्ञानेश्वर ताथोड व अंकुश डाबेराव या चार आरोपी विरुद्ध भादंवि च्या 324,504,34 कलमान्वे गुन्हे दाखल केले असून,तेल्हारा पोलीस तपास करित आहेत.

No Result