तेल्हारा प्रतिनिधी : तेल्हारा पोलीस स्टेशन अंतर्गत येणाऱ्या ग्राम दहिगाव येथे दि. २१ जून रोजी सौ, जया गोपाल पातोंड वय २६ वर्षे रा. दहिगाव ता. तेल्हारा नामक विवाहितेची पहाटे ६ वाजेपुर्वी हत्या करण्यात आल्याच्या तक्रारीवरून तेल्हारा पो. स्टे मध्ये रात्री १०.४० वाजेपूर्वी आरोपी गोपाल समाधान पातोंड (३१) (मृतकाचा पती), समाधान किसन पातोंड (६०) सासरा, सौ देवकाबाई समाधान पातोंड (५५) सासू सर्व राहणार दहिगाव ता. तेल्हारा यांचे विरुद्ध भादविच्या ३०२, ३४ कलमा- न्वये गुन्हा नोंदविन्यात आला आहे.
फिर्यादी मारोती गोविंद अघडते (५५) रा. पारडी ता. बार्शीटाकळी जि. अकोला यांनी तेल्हारा पोलीस स्टेशन मध्ये नोंदविलेल्या जबानी रिपोर्टनुसार हकीकत अशी की, गत 20 जून रोजी दरम्यान मृतक जया पातोंड हिस तिचा पती, सासू, सासरे यांनी शिवीगाळ करून मारहाण करीत असल्याचे फिर्यादिला कळले. दि. २१ जून रोजी सकाळी ६ वाजता फिर्यादीला आरोपी गोपाल पातोंड याने फोन करून सांगितले की “मामा तुम्ही उठले का, अन् जया गेली , ती उठून नाही राहिली असे सांगितले वरून फिर्यादीने मृतकाच्या घरी जावून पाहिले असता मृतक जया ही पलंगावर टाकलेली होती. तिचे शरीरावर मारहाणीचे व्रण व जखमा होत्या. याप्रकरणी फिर्यादीने नोंदविलेल्ल्या तक्रारीनुसार वरील प्रमाणे गुन्हा नोंदवण्यात आला असून महीला आरोपी वगळता दोन्ही आरोपीना पोलीसांनी अटक केली आहे. पोलीसांनी घटनास्थळावरून पांढऱ्या रंगाची दोरी जप्त केल्याचे “समजते, घटनास्थळाला उपविभागीय पोलीस अधिकारी रितू खोकर, सपोनि ज्ञानोबा फड, तपास अधिकारी पीएसआय गणेश कायंदे यांनी घटनेच्या दिवशीच दि. २१ जून रोजीच घटनास्थळी धाव घेतली. मृतक विवाहिता जया पातोंड हिचे शवविच्छेदन तज्ञ डॉक्टरांकडून अकोला येथील शासकीय सर्वोपचार रुग्णालयात पार पडून ग्राम दहिगाव (ता. तेल्हारा) येथे शोकाकुल वातावरणात तसेच चोख पोलीस बंदोबस्तात २१ जून रोजी रात्री अंतिम संस्कार पार पडला. सदर घटनेने गावात हळहळ व्यक्त करण्यात येत आहे.
सदर घटनेच्या पार्श्वभूमीवर मृतक जया पातोंड हिच्या पतीने तेल्हारा पोलीस स्टेशनला घटनेच्या दिवशी २१ जून रोजी सकाळी ११ वाजता माहिती दिली होती की, जयाचा गळफासाने मृत्यु झाल्याचे व त्यावेळी वडीलान सोबत शेतात असल्याचे सांगितले होते व सविस्तर जबाब नोंदविला होता, त्याआधारे पोलीसांनी सीआरपिंसीच्या १७४ कलमान्वये अकस्मात मृत्यूची नोंद केली होती. आता मृतकाचे वडील मारोती गोविंद अघडते रा. पारडी ता. बार्शीटाकळी यांनी 21 जून रोजी रात्री १०.४० वाजेपूर्वी सदर प्रकरणी आपला जबाब नोंदविल्याने नमूद आरोपिंवर हत्येचा गुन्हा दाखल करण्यात आला आहे.पुढील तपास पोलीस निरीक्षक ज्ञानोबा फड यांच्या मार्गदर्शनाखाली पीएसआय गणेश कायंदे हे करीत आहेत.