अकोली रूपराव गावाजवळ दिसला बिबट्या

तेल्हारा – तेल्हारा बेलखेड अकोली रूपराव अकोट रस्त्यावर अकोली रुपराव गावाजवळील सबस्टएशन जवळ शनिवारच्या रात्री अडीच वाजता एका चार चाकी वाहन धारकाला बिबट्याचे दर्शन झाले. समोर आलेल्या बिबट्याचे समोरासमोर वाहनातील बसणाऱ्यांनी छायाचित्रे मोबाईल मध्ये टिपले.
तालुक्यातील थार येथील धनंजय फोकमारे हे आपल्या चार चाकी वाहनासह नागपूर वरून परत येत असताना शनिवारी रात्री अडीच वाजता अकोली रूपराव सब स्टेशन जवळ असलेल्या नाल्याच्या बाजूला बिबट्या दिसला. रस्ता ओलांडत असताना अचानक आलेल्या गाडीच्या आवाजामुळे बिबट्या गाडीच्या बाजूला उभा राहिला गाडीमध्ये असलेल्या धनंजय फोकमारे व त्याचे मित्र सागर पाथ्रीकर, आकाश यादगिरे यांनी मोबाईल मध्ये बिबट्याचे छायाचित्रे टिपले. बिबट्याचे भीतीने लगेच त्यांनी रस्ताने गाडी पुढे नेली. या परिसरात नागरिकांनी जागरूक राहावे व वनविभागाला सुचित करावे असे त्यांनी सांगितले.