अकोला दि.27 :- राज्याचे महसूल, पशुसंवर्धन, दुग्धविकास मंत्री राधाकृष्ण विखे पाटील यांचे आज सायंकाळी सहा वा. सुमारास अकोला विमानतळावर आगमन झाले. यावेळी विभागीय आयुक्त डॉ. निधी पांडे यांनी त्यांचे स्वागत केले. यावेळी जिल्हाधिकारी श्रीमती निमा अरोरा, जिल्हा परिषदेचे मुख्य कार्यकारी अधिकारी सौरभ कटीयार यांनीही त्यांचे स्वागत केले.
यावेळी विधानसभा सदस्य आ. रणधीर सावरकर, आ. हरिष पिंपळे तसेच निवासी उपजिल्हाधिकारी संजय खडसे, उपविभागीय अधिकारी बाळापूर डॉ. रामेश्वर पूरी आदी उपस्थित होते. अकोला विमानतळावरुन श्री. विखे पाटील हे मोटारीने शेगावकडे रवाना झाले.
