अकोला (प्रती) – महत्त्वाचे कागदपत्रे व पैसे परत करणाऱ्या पोलीस वाहतूक अंमलदार व वाहतूक पोलीस कर्मचारी यांचा परिवर्तन स्वाभिमानी संघटनेच्या वतीने सत्कार करण्यात आला. अकोला शहर वाहतूक नियंत्रण शाखेचे कर्मचारी पोलिस अंमलदार ए एस आय संजय इंगळे व गजानन धोंगडे हे पेट्रोलिंग करत असतांना रस्त्यात बेवारस पडलेले एक पॉकीट दिसले त्यांनी पॉकेट पाहले असता त्या पॉकेट मध्ये महत्वाचे कागदपत्रे व १५०० रूपये होते.
महत्वाचे कागदपत्रे असल्याने पोलिस अंमलदार ए एस आय संजय इंगळे व गजानन धोंगडे यांनी पॉकेट मालकाचा शोध लाऊन त्यांना पॉकेट परत केले सदर पॉकेट हे गुलशन पाल रा अकोला यांचे होते. मुळ मालकास आपले हरवलेले महत्वाचे कागदपत्रे असलेले पॉकेट परत मिळाल्याने गुलशन पाल यांनी वाहतूक शाखेचे पोलिस अंमलदार ए एस आय संजय इंगळे व गजानन धोंगडे यांचे आभार मानले.
या अतिशय उत्कृष्ट कामगिरी करिता परिवर्तन स्वाभिमानी संघटनेचे महाराष्ट्र अध्यक्ष उमेश सुरेशराव इंगळे महाराष्ट्र राज्य सचिव सतीश तेलगोटे, महाराष्ट्र राज्य सदस्य उमेश नेते यांच्या वतीने त्यांना अग्रसेन चौक स्थित ड्युटी स्थळावर जाऊन पुप्षगुच्छ देऊन सत्कार करण्यात आला यावेळी परिवर्तन स्वाभिमानी संघटनेचे महाराष्ट्र अध्यक्ष उमेश इंगळे, महाराष्ट्र राज्य सचिव सतीश तेलगोटे महाराष्ट्र राज्य सदस्य उमेश शेजे, सिध्दांत वानखडे,सुरज खंडारे आदी पदाधिकारी उपस्थित होते.
