तेल्हारा (प्रतिनिधी)-: तेल्हारा शहरात शेकडो व्यावसायिक अतिक्रमण करून आपल्या परिवाराचा वर्षानुवर्षे उदर निर्वाह करत होते, याच अतिक्रमण मध्ये थाटलेल्या छोट्याश्या व्यवसायातून मुलांचे शिक्षण, मुला-मुलींचे लग्न, आणि आपल्या म्हाताऱ्या आई वडील यांचा औषधी चा खर्च भागवत यांनी बरेच वर्षे धगधगत्या उन्हात टिन पत्र्याच्या दुकानातून चालवला.
मात्र 2 ऑगस्ट रोजी अचानकच नगर परिषद चा भोंगा गावातून फिरला आणि सर्वांच्या छातीचे ठोकेच वाढले आदेश आला की ज्यांचे ज्यांचे शासकीय जागेवर अतिक्रमण असेल त्यांनी आजच्या आज आपले अतिक्रमण काढून घ्या अन्यथा नगर पालिका प्रशासन च्या कार्यवाहिस बळी पडावे लागेल. सर्वांनी शासनाच्या आदेशाचा आदर करत आप आपली दुकाने खोलून घरी नेले.
यात दहिगाव येथिल सुशिक्षित तरुण सूरज नाना इंगोले याचे सुद्धा दुकान उठले घरची बेताची परिस्थिती वडिलांकडे शेती नाही आणि उत्पन्नाचे दुसरे साधनही नाही त्यात वडिलांची नुकतीच एन्जोप्लास्टी झाली त्यामुळे जड काम करणे शक्य नाही वडिलांच्या औषध पाण्याचा खर्च एक लहान बहीण शिक्षण घेत आहे तिचा शिक्षणाचा खर्च , मात्र सूरज पॉली चे शिक्षण पूर्ण करून पुढील शिक्षणासाठी त्यारीतच असताना एवढी सारी संकट एकत्र त्याच्या भोवती घोंगावत होती यावर काही तरी तोडगा काढणे हे सूरज साठी एक चॅलेंज होते.
शेवटी शिक्षण हे वाघिणीचे दूध आहे आणि प्रयत्ने वाळू रगडीता तेल गडे ह्या म्हणीला आत्मसात करून सूरज ने शक्कल लढवली आणि अतिक्रमण न करता एक जुनी व्हॅन विकत घेतली आणि बाकी सेटप घरी होताच त्यात वडिलां कडून योग्य मार्गदर्शन मिळाले आणि सुरजने व्हॅन मध्ये आपला पूर्वीचाच व्यवसाय थाटला सुरजचे हे जुगाड आज किमान घर खर्च तरी भागवत आहे. तेल्हारा शहरातीलच नव्हे तर संपूर्ण तालुक्यातील हे पहिलेच जुगाळ झेरॉक्स सेंटर ठरले आहे,