अकोला, दि.६ : क्रीडा व युवक सेवा संचालनालय व शिवछत्रपती क्रीडा संकूल बालेवाडी, पुणे येथील क्रीडा प्रबोधिनी पुणे येथे जलतरण या क्रीडा प्रकारातील वयवर्षे ८ ते १६ या वयोगटातील खेळाडुंची निवड चाचणी मंगळवार दि.१२ रोजी होणार आहे, असे जिल्हा क्रीडा अधिकारी गणेश कुलकर्णी यांनी कळविले आहे.
या चाचणीत सहभागी होण्यासाठी खेळाडुचा किमान राज्यस्तरीय सहभाग असणे आवश्यक, तसेच उंची, शारिरीक क्षमता, कौशल्य चाचणी, खेळातील कामगिरी, जलतरण चाचणी ५० मि. फ्री, १०० मि. मेन स्ट्रोक, ४०० मि. फ्री स्टाईल (१४ वर्षांआतील), ८०० मि. फ्री स्टाईल (१४ वर्षांवरील), ८०० मि. धावणे शोल्डर लेन्थ याबाबींचे निकषांनुसार राहतील. निवड चाचणीसाठी जन्मतारखेचा दाखला आणणे अनिवार्य असेल. सहभागी खेळाडुंच्या निवासाची व्यवस्था करण्यात येईल. प्रवास व भोजनाची व्यवस्था खेळाडुंनी स्वखर्चाने करावयाची आहे, असेही जिल्हा क्रीडा अधिकारी गणेश कुलकर्णी यांनी कळविले आहे.
