मूर्तिजापूर- तालुक्यातील शेलूवेताळ येथे शेतातील झोपडीत ४० वर्षीय इसमाने स्वतःच्या अल्पवयीन मुलीस जीवे मारण्याची धमकी देऊन तिच्याशी अतिप्रसंग करून गर्भवती ठेऊन तो पसार झाला होता. ग्रामीण पोलिसांनी पसार आरोपीस घटनेच्या काही तासातच मध्यप्रदेशमधून अटक करून न्यायालयात हजर केले असता, २१ जून पर्यंत त्याला पोलीस कोठडी सुनावन्यात आली. मिळालेल्या माहितीनुसार ४० वर्षीय पिता हा शेलूवेताळ
येथील शेताच्या झोपडीत स्वतः च्या मुलीसोबत राहून तिच्यावर वारंवार अतिप्रसंग करत होता. ती पाच महिन्याची गरोदर झाली. या बाबत कोणास सांगितल्यास जीवे मारण्याची धमकी देत असल्याच्या फिर्यादीवरून आरोपी ४० वर्षीय पित्याच्या विरुद्ध कलम ३७६ (३), ३७६ (२), (एएन), ५०६ भादवी सहकलम ५ (१) ६ पॉक्सोनुसार गुन्हा दाखल करण्यात आला आहे. हा नराधम बाप पसार झाल्यावर तो मध्यप्रदेशमध्ये असल्याचा सुगावा लागल्याने ग्रामीण पोलीस स्टेशनचे पोलीस निरीक्षक गोविंद आहे.
पांडव यांच्या मार्गदर्शनाखाली पोलीस उपनिरीक्षक भिलावेकर, हेड पोलीस कॉन्स्टेबल संजय खंडारे, गजानन सय्याम, सुदाम धूळगुंडे यांनी आरोपीस घटनेच्या काही तासातच गजाआड करून न्यायालयात हजर केले. त्यास २१ जून पर्यंत पोलीस कोठडी सुनावन्यात आली. या प्रकरणी पुढील तपास ग्रामीण पोलिस स्टेशनचे पोलीस निरीक्षक गोविंद पांडव याच्या मार्गदर्शनाखाली उपनिरीक्षक सत्यजित मानकर, पोलीस कॉन्स्टेबल रितेश करीत.
