हिवरखेड(धीरज बजाज)- वंदनीय राष्ट्रसंत तुकडोजी महाराज यांच्या जयंतीनिमित्त शनिवार दि.३०एप्रिल रोजी संध्याकाळी ठीक ७.०० वा.येथील सरकारी दवाखान्यामागील जि. प.प्रा.मुलांच्या शाळेत बहारदार कवी संमेलनाचे आयोजन करण्यात आले आहे.
लोकजागर मंच,प्रतिभा साहित्य संघ व प्रबोधन बचत गट हिवरखेड द्वारा आयोजित या कवी संमेलनाचे उद्घाटन लोकजागर मंचचे संस्थापक अध्यक्ष अनिल गावंडे यांच्या हस्ते होणार असून या कवी संमेलनात प्रतिभा साहित्य संघ महाराष्ट्रचे अध्यक्ष विठ्ठल कुलट,प्रसिद्ध कवी व सूत्रसंचालक गौतम गुळधे, विजय सोसे,गजानन मते इत्यादी दर्जेदार कवी आपल्या कवितांनी व विनोदांनी रसिकांना साहित्याची मेजवानी देणार आहेत.तरी या कवी संमेलनाचा सर्वांनी आस्वाद घ्यावा असे आवाहन लोकजागर मंच,प्रतिभा साहित्य संघ व प्रबोधन बचत गट हिवरखेड यांनी केले आहे.
