अकोला,दि. 20:- भारतरत्न डॉ. बाबासाहेब आंबेडकर यांची 131 वी जयंतीनिमित्त सामाजिक न्याय व विशेष सहाय्य विभागातर्फे विविध कार्यक्रम राबवित आहे. त्यानुसार शनिवारी(दि.16) जिल्ह्यातील महत्वाच्या ठिकाणी स्वच्छता मोहिम राबवून सामाजिक समता सप्ताह कार्यक्रमाचा समारोप करण्यात आला.
जिल्ह्यातील बुध्दविहार, मलकापूर रोड, खडकी येथे स्वच्छता मोहीम राबवून दि. 6 ते 16 एप्रिल दरम्यान आयोजित समता सप्ताह कार्यक्रमाचा समारोप करण्यात आला. कार्यक्रमाचे अध्यक्षस्थानी समाजकार्य महाविद्यालयाचे प्राचार्य केशव गोरे तर प्रमुख अतिथी विशेष अधिकारी तथा नोडल अधिकारी प्रदीप सुसतकर यांनी कार्यक्रमाच्या प्रास्ताविकतेत संपन्न झालेल्या कार्यक्रमाची रुपरेषा विशद करून विभागाचा हेतू व उद्देश सविस्तर मांडणी केली. सामाजिक समता कार्यक्रम समाजकल्याण विभागाच्या सहायक आयुक्त डॉ.अनिता राठोड यांच्या मार्गदर्शनाखाली समाजकल्याण कार्यालय व पंचफुलादेवी समाजकार्य महाविद्यालय यांच्या संयुक्त विद्यमाने साजरा करण्यात आला. या उपक्रमाचे यशस्वीतेसाठी समाजकल्याण कार्यालयातील अधिकारी, कर्मचारी व समाजकार्य महाविद्यालयातील विद्यार्थांनी तसेच समतादुत संपूर्ण टिम यांनी मोलाचे सहकार्य केले.
