अकोला-: न्यू तापडिया नगर अकोला सौरभ वाघोडे यांचे प्रतिपादन समाजातील तरुणांनी शिवरायांचे विचार आत्मसात त्यांचे विचार आणि कर्तृत्वाच्या अदर्शाचा समाजात प्रसार करावा. असे प्रतिपादन शिवश्री सौरभ वाघोडे यांनी न्यू तापडिया नगरातील शिवजयंती समारोहात बोलतांना केले न्यू तापडिया नगरातील गणपती मंदिरासमोर शिवराजे भक्त मंडळाच्या वतीने शिवजयंतीच्या कार्यक्रमाचे आयोजन करण्यात आले होते.
या कार्यक्रमाच्या अध्यक्षस्थानी एल. आर. टी महाविद्यालयाचे प्रा. डॉ.अनिल तिरकर तर प्रमुख अतिथी म्हणून लोक स्वतंत्र पत्रकार महासंघाचे संस्थापक राष्ट्रीय अध्यक्ष संजय देशमुख व छत्रपती सेनेचे संस्थापक अध्यक्ष करनभैय्या शाहू होते यावेळी सर्वप्रथम छत्रपती शिवाजी महाराजांच्या प्रतिमचे दीपप्रज्वलन व पुष्पहार अर्पण करून अभिवादन करण्यात आले. आपल्या मार्गदर्शनपर भाषणात शिवश्री सौरभ वाघोडे यांनी अभ्यासपूर्ण वक्तृत्वातून आवेशपूर्ण आव्हानाने समाजातील तरुणांना क्षणभंगुर मृगजलांना टाळून संघटित शक्तितून विधायकतेने निरोगी समाज व्यवस्था निर्माण करण्याचे प्रयत्न करण्याची अपेक्षा प्रतिपादित केली. नेहमी विविध कार्यक्रमाचे आयोजन करणाऱ्या शिवभक्त शिवराजे मंडळाच्या उत्साही तरुणांनी ठेवलेल्या कार्यक्रमात बहुसंख्य नागरिक उपस्थित होते. कार्यक्रमाच्या यशस्वितेसाठी अभिषेक राशलवर, डॉक्टर नीरज शुकला, ऋषिकेश राऊत, ऋषिकेश पटेल, रितेश देशमुख, रोह न आहाळे, यश राशलवर, अभिषेक पत्की केतन मिश्रा, शुभम चोपडे, व मंडळाच्या सर्व कार्यकर्त्यांनी परिश्रम घेतले कार्यक्रमाचे संचालन रोहन आहाळे तर आभार प्रदर्शन अभिषेक पत्की यांनी केले.
