बोर्डी (देवानंद खिरकर) – बोर्डी ग्रामपंचायत कार्यालयात गावातील स्पर्धापरीक्षेमध्ये स्थान मिळवलेल्या विद्यार्थ्याचा सत्कार करण्यात आला. यामध्ये बोर्डीतील स्पर्धापरीक्षेत यश मीळवुन सार्वजनिक बांधकाम विभागात वर्ग २ पदी जय सुभाष गये यांची नियुक्ती झाल्याबद्दल सत्कार करण्यात आला. सत्कार समारंभाला अध्यक्ष म्हणून उमरा जिल्हा परिषद सदस्य प्रकाश आतकड हे होते. प्रमुख अतिथी सरपंच स्वाती चंदन यांची उपस्थिती होती. आपल्या गावातून स्पर्धा परीक्षेत यश मिळवुन बोर्डी गावाचे नाव मोठे केले. यावेळी मान्यवरांनी आपले मनोगत व्यक्त केले. पटवारी राजाभाऊ खामकर यांनी स्पर्धा परीक्षा बद्दल माहिती देऊन पुढेही असेच विद्यार्थ्यांना स्पर्धा परीक्षेत यश मिळावे अशा शुभेच्छा दिल्या.
कार्यक्रमाचे सूत्रसंचालन देवानंद भटकर यांनी तर प्रास्ताविक माजी सरपंच संजय ताडे यांनी केले. कार्यक्रमाला सरपंच स्वाती चंदन, ग्रा.पं सदस्य अर्चना आतकड, साजिद शेख, गजानन डवंगे, चेतन आतकड भगवान रींगणे, यांच्यासह डॉ सुरेश ताडताडे, रमेश गये, शरद अग्रवाल, संजय ताडे, बाळासाहेब गये, अलीम अली, गजानन कंकाळ, समाधान चंदन, अरुण आतकड, समाधान चंदन, बाळु चेडे, शरद गये, यांची प्रमुख उपस्थिती होती. पत्रकार संघाच्या विवीध पदावर निवड झाल्याने पत्रकार, नरेंद्र कोंडे, विठ्ठल येवोकार यांचाही जी.प. सदस्य प्रकाश आतकड यांचे हस्ते सत्कार करण्यात आला. कार्यक्रमाला गावकर्यांची उपस्थिती होती.आभार प्रदर्शन रोहन गये यांनी केले.
