अकोला- फत्तेपुरवाडी, मोठी उमरी, अकोला येथे राहणारा धोकादायक व्यक्ती कुणाल प्रदिप देशमुख, वय २४ वर्षे, याचे वर यापूर्वी जिवेमारण्याचा प्रयत्न करणे, खंडणी मांगणे, दरोडा, सार्वजनिक माल मत्ता विधवंसक प्रतिबंधंक अधिनियम अर्तगत गुन्हे करणे, जबरी चोरी करणे, अवैद्यरित्या शस्त्र बाळगणे, गंभीर दुखापत करणे, दंगा करणे, गैरकायद्याची मंडळी जमा करणे, अश्लिील शिवीगाळ करणे असे बरेच गुन्हे दाखल आहेत. त्याचे वर यापुर्वी विवीध कलमान्वये प्रतिबंधक कार्यवाही करण्यात आली होती, परंतु त्याचे वर त्याचा काहीच परिणाम झालेला नव्हता. तो प्रतिबंधक कार्यवाही करून सुध्दा जुमानत नसल्याने त्याचे विरूध्द गंभीर दखल घेण्यात येवुन धोकादायक व्यक्ती कुणाल प्रदिप देशमुख, याचे कुत्यास आळा बसावा याकरीता मा. पोलीस अधीक्षक, अकोला यांनी त्यास स्थानबध्द करण्याबाबतचा प्रस्ताव मा. जिल्हादंडाधिकारी, अकोला यांना सादर केला होता. मा. जिल्हादंडाधिकारी, नीमा अरोरा यांनी सर्व कायदेशीर बाबींची ताळणी करून तसेच स्वतःचे स्त्रोताव्दारे माहीती मिळवुन सदर व्यक्ती सराईत गुन्हेगार असल्याची खात्री झाल्याने त्यास एकवर्षा करीता अकोला जिल्हा कारागृहात स्थानबध्द ठेवण्याबाबतचा आदेश दि. २१/०२/२०२२ रोजी पारीत केला.
मा. जिल्हादंडाधिकारी, सा. अकोला यांचे आदेशावरून कुणाल प्रदिप देशमुख, याचा तात्काळ शोध घेवून त्यास सदरचा आदेश तामील करून त्यास दिनांक २१/०२/२०२२ रोजी जिल्हा कारागृहात स्थानबध्द केले.
सदरची कार्यवाही पूर्ण करण्याकरीता मा. पोलीस अधीक्षक, सा. यांचे मार्गदर्शनाखाली अपर पोलीस अधीक्षक, उपविभागीय पोलीस अधिकारी, शहर विभाग, अकोला स्थानिक गुन्हे शाखा येथील पोलीस निरीक्षक संतोष महल्ले, पोहेकॉ. मंगेश महल्ले, यांनी तसेच , पो.स्टे. सिव्हील लाईन येथील पोलीस निरीक्षक भानुप्रताप मडावी तसेच पो.स्टे. मधील कर्मचारी यांनी परिश्रम घेतले.
अकोला जिल्हयात कायदा व सुव्यवस्था अबाधीत राहुन शांतता रहावी याकरीता एम. पी.डी.ए. अॅक्ट खाली कार्यवाही प्रस्तावति असुन माहे-जुलै २०२० ते सन २०२२ चे आज पावेतो हयाकालावधी मध्ये एमपीडीए कायद्यान्वये एकुण ५९ गुन्हेगारांवर स्थानबध्दतेची कारवाई करण्यात आलेली आहे. तसेच वारंवार गुन्हे करणारे गुन्हेगारांवर लवकरच एम. पी.डी.ए. अॅक्ट खाली कार्यवाही करण्याचे प्रस्तावित आहे.
पोलीस निरीक्षक तथा जनसंपर्क अधिकारी, अकोला जिल्हा पोलीस.